DeBravo Otto (offizielle Schrievwies BRAVO Otto) is en Pries, den deBravo-Lesers dör Afstimmen an jemehr leefsten Stars verlehen künnt. De Pries warrt siet 1957 jeed Johr vergeven. In de Twüschentiet gifft em dat in Gold, Sülver un Bronze, un siet 1996 as Ehren-Otto ok för’t Levenswark in Platin.
In de Fröhtiet vun dissen Pries geev dat blots een Mann un een Fro as Priesdrägers. Eenige vun jem weernJames Dean unMaria Schell (1957),Romy Schneider (1958),Liselotte Pulver (1966) unRuth Leuwerik (1962). Eerst later weern denn mehrere Ottos vergeven. Intwüschen gifft dat Priesen in ölven Kategorien:Supergrupp Rock,Supergrupp Pop,Supersinger,Supersingersche,Superrapper internatschonal,Superrapper natschonal,TV-Star weiblich,TV-Star männlich,Filmstar weiblich,Filmstar männlich unComedy-Star.
Vun de Redakschoon warrt twee wietere Priesen vergeven: deShootingstar vun’t Johr un deEhren-Otto för’t Levenswark vun Künstlers, de lange Johren Spood harrn.
De Figur schüll toeerst en Belüchter dorstellen, de so en Oort vun Bravo-Maskottchen weer. In’t Johr 1965 weer de vun enIndianer-Figur aflöst, vunwegen dat to de Tiet deKarl-May-Filmen jemehr grote Tiet harrn.
Bit 1972 is de Pries jümmer to Anfang vun’t Johr verleht worrn, weer denn aver op’t Johresenn verleggt. Vun dorher is 1972 dat eenzige Johr wesen, in dat twee Verlehen maakt worrn sünd. Övergeven warrt de Bravo-Otto in’n Rahmen vun en mehrstünnig Showprogramm ünner den TitelBravo-Supershow – Die Gold-Otto-Verleihung, de ok in’t Feernsehn överdragen warrt.
De meisten Ottos in de Bravo-Historie hettInge Meysel as Dorstellersche vun de „Mudder vun de Natschoon“ in de ReegDie Unverbesserlichen kregen unPierre Brice as Dorsteller vunWinnetou. Mit den Platin-Otto sünd bit hüüt blotsMichael Jackson, deBee Gees,Thomas Gottschalk,Take That unDieter Bohlen ehrt worrn.
In de folgen Kategorien sünd Bravo-Ottos vergeven worrn (deelwies ünner annere Naams)
Siet 1994 warrt de Övergaav vun de Bravo-Ottos vun dePrivatsennersRTL,RTL 2 unProSieben överdragen: