Bill Paxton is de Söhn vun Mary Lou un John Lane Paxton. In’t Öller vun 18 Johren is he naLos Angeles togen, woneem he anfüng as Dekorateur un Kulissenhelpsmann to arbeiten. Twee Johr later stünn he 1975 in den FilmCrazy Mama to’n eersten mol för de Kamera. ’N beten later is he na New York gahn un hett bi Stella Adler (Studio of Acting in New York City) Schauspeleree studeert. In de Tiet vun sien Studium künn he tallrieke lüttere Verdrääg för Feernsehprodukschonen finnen. Blangeto hett he schreven un produzeerKortfilmen.
In’t Johr 1984 kreeg he en lütte Blangenrull in den FilmTerminator vunJames Cameron. Dör sien Bekanntschop mit James Cameron keem he denn 1986 to sien Rull in den FilmAliens. Aver de egentliche Dörbrook keem eerst 1992 mit den FilmOne False Move. Twee Johr later weer he in de Rull vun en winnigen Autohökerer inTrue Lies to sehn un 1995 as een vun de Astronauten inApollo 13. 1997 füng he ok an, Filmen to produzeeren. De eerste Film as Produzent weerTraveller. MitFrailty hett he 2001 denn ok to’n eersten mol as Speelbaas arbeit.
Bill Paxton harr en Fro un twee Kinner, mit de he inOjai inKalifornien leevt hett.
Paxton is för sien Filmwarken al söventeihn mol för Filmpriesen vörslahn worrn, dorünner dreemol för denGolden Globe. Wunnen hett he opstunns veer Priesen:
