Anaklet (okAnenkletos,Anencletus,Anacletus, falsch ok asCletus oderKletus överleefert) gellt as tweet Nahfolger vunSimon Petrus in de Leitung vun deChristengemeend vun Rom, de he tüschen 76 un 95 för en mehrjohrigen Tietruum inneharrt hemm sull. Dat is vermootlich en hervörhabenPresbyter oder Episkop un mit den in’nröömschen Messkanon nöömtKanonhilligen „Kletus“ identisch ween.
De Naam Anaklet (vun {greeksch: ὁ Ἀνάκλητος,ho Anáklētos) bedüüd „de Upropen, de Erlesene“. Anenkletos (Ανέγκλητος) weer en in Rom ünnerSlaven unFreelaaten verbreet Naam, wat spekulative Rückslüsse up siensoziale Stellung tolett. Sien NahfolgerClemens vun Rom weer mögelkerwies en jöödsch Freelaaten un ehmalger Huusslaav,[1] wat ähnlich ok up Anaklet todrapen kunn. Historsch is jedenfalls dorvan uttogahn, dat Anaklet un Clemens ungefähr to glieker Tiet as Presbyter oder Episkopen in Rom amteert hemm.
To disse Tiet wurr in den Christengemeenden vun Rom noch meestens Greeksch snackt un all toonangevend Führungspersönlichkeiten weern greekschsprakige Gemeendliddmaaten. Eerst in dat 3. Johrhunnert keem de Führungsschicht vun de röömsch Gemeenden immer starker utLatienisch snacken Christen.[2]
Enmonarchischer Episkopat geev dat in de röömsch Gemeend to de Tieden vun Anaklet nich, völmehr hemm de Öldsten (Presbyter) vun de verscheeden in de Stadt verdeelt christlich Gruppen oderHausgemeenden – eventuell noch tosommen mit charismatischen Lehrern oder Propheten – ein Aart Führungskollegium vun de Gesamtgemeend billd.[3] En heruthaben Stellung vun Kletus/Anaklet ünner de röömsch Presbytern, villicht ok de TitelEpiskopos, de sück in de Loop vun dat 2. Johrhunnert för de Leiter dvun dat Presbyterkolleg dörsetten dee, wurrn in’n Allgemeenen as seker ansehn. Forschungsansätze, de Anaklet un annere vun de in de Bischopslisten vertekent Petrusnahfolger för gänzlich utfunnen Persönlichkeiten hollt hemm, hemm nah herrschend Forschungsmeenung kien övertüügend Basis.
De mögelke gewaltsame Dood vun Anaklet in de Regeerenstiet vun den röömschen KaiserDomitian (81–96) wurrd faken mit de annommen Christenverfolgung ünner Domitian in Tosommenhang brocht. Utmaat un Historizität vun de mögelk Verfolgung vun Christen ünner Domitian sünd in de Geschichtswetenschap allerdings siet den 1970er Johren tonehmend fraglich wurrn un wurrn antwiefelt.[4] Ok unafhängig vun disse Diskussion is de Notiz över en Martyrium vun den Kletus, de eerstmals iin datMartyrologium Hieronymianum bekannt wurrd, as historsch Tüügnis meest nich belastbar.
In de vunIrenäus överleeferten öldsten röömsch Bischopslist wurrdAnenkletos as Nahfolger vun denLinus un Vörgänger vun den Clemens nöömt. Disse Reeg, de meest as oorsprünglich annommen wurrd, wurrd ok vun den KarkenhistorikerEusebius von Caesarea bestätigt, de sück in Deelen vun sien Dorstellen upHegesipp beropen deiht: He betekent Anaklet as dartenBischop vun Rom, de dit Amt in dat Johr 80 vun Linusövernommen harr un nah twalf Johren vun Clemens aflöst wurrn weer.
De vunOptatus von Mileve bzw.Augustinus överleefert alternativ Reegfolge (Linus, Clemens, Anaklet) is vör dat 4. Johrhunnert nich betüügt. Af Midden vun dat 4. Johrhunnert kummt dat in röömsch Listen as denCatalogus Liberianus as ok in vun hüm afhängigen Dokumenten as denCarmen adversus Marcionitas, denMartyrologium Hieronymianum un denLiber Pontificalis to en woll unhistorschen Ünnerscheeden tüschen twee Bischööp mit ählich Naam, vun denen de öllereClitus un de jüngereAnaclitus heeten hemm sull. De Reegfolge un de Tietruum vun hör Wirken wurrd in disse Warken ünnerscheedlich dorstellt.
De Verdüppelung vun de Person Kletus/Anaklet is mögelkerwies entstahn, wiel de Körtform Κλητος den vullen Naam Ἀνάκλητος in fröheren Listen bischreven wurr, worut latere Chronisten irrdömlich twee verscheeden Persönlichkeiten konstrueert hemm. Beid söllt nah denLiber Pontificalis stuuf neben datPetrusgraff bestattet ween, dat Anaklet sülvst dör en repräsentatives Denkmal (Memoria) schmückt harr. Disse Notiz, de anachronistisch ist, kunn nah Mario Ziegler up en Verwesseln vun den Naam vun de röömschen BischopAnicetus footen, de to Tiet vun den Hegesipp regeeren dee. En um 160 upricht Petrushilligdom is ok archäologisch beleggt.
De röömsch Messkanon un hüm folgend ok dat eersteHoochgebet vun deHillige Messe in dat aktuelleMessbook vun de röömsch kathoolsch Kark, nömmt blots Kletus un kennt Anaklet gar nich. Dat magg doran liggen, dat Kletus in‘nLiber Pontificalis asMerteler erwähnt wurrd, wiels Anaklet natürlich to Dood kommen ween sull, so dat blots Kletus in dat 6. oder 7. Johrhunnert tosommen mit Linus un Clemens in dat Mertelergedenken vun den Kanon upnommen wurr.[5]
DeGedenkdag vun den hl. Kletus in datMartyrologium Romanum is de 26. April, för Anaklet wurr in datCalendarium Romanum Generale bit 1960 de 13. Juli as Doodsdag nöömt. Beid Gedenkdaag wurrn in de 1960er Johren wegen historsch Ungewetenheit ut den Generalklenner streeken. In’nAnnuario Pontificio is Anaklet/Kletus hüüd as dartPaapst nah Petrus un Linus vertekent un sien Regeerenstiet vun 76 bit 88 nöömt.[6] Nah en eerstmals vunFerdinando Ughelli publizeert unhistorsch Legende sall Kletus vör sien Paapstamt vun Petrus as Bischof nahRuvo inApulien entsandt wurrn ween, wo sien Andenken in en mit sien Naam verbunnenÜnnerkark an en antiken Pütt verehrt wurrd, de woll utantoninisch Tiet stammt. Anaklet toordnet Reliquien befinnen sück siet 1999 in deKark vun den hilligen Linus inRom.
Francesco Scorza Barcellona:Anacleto/Cleto, santo. In:Enciclopedia dei Papi. Rom 2000 (italienisch).
Mario Ziegler:Successio. Die Vorsteher der stadtrömischen Christengemeinde in den ersten beiden Jahrhunderten (Antiquitas, Reihe I: Abhandlungen zur alten Geschichte, Band 54). Rudolf Habelt Verlag, Bonn 2007,ISBN 978-3-7749-3496-2, bes. S. 57–68.
↑Herrmann Schreiber:Geschichte der Päpste. Econ, Düsseldorf/Wien 1985, S. 10.
↑Bernhard Schimmelpfennig:Das Papsttum. Von der Antike bis zur Renaissance. Sonderauflage der 6., bibliografisch aktualisierten Auflage,WBG, Darmstadt 2009, S. 9.
↑Bernhard Schimmelpfennig:Das Papsttum. Von der Antike bis zur Renaissance. Sonderauflage der 6. Auflage, Darmstadt 2009, S. 5, 8.
↑Jörg Ulrich:Euseb, HistEccl 111,14–20 und die Frage nach der Christenverfolgung unter Domitian, in: ZNW 87 (1996), S. 269–289 (hier bes. S. 269 f.; 287–289);Otto Zwierlein:Kritisches zur Römischen Petrustradition und zur Datierung des Ersten Clemensbriefes, in:GFA 13 (2010), S. 87–157 (hier: S. 144); auch (wiewohl abwartend, vgl. S. 22; 37)Christoph Markschies:Das antike Christentum. Frömmigkeit, Lebensformen, Institutionen. 2. Uplaag (Eerstauflage 2006), Beck, München 2012, S. 40 f.
↑Bernhard Schimmelpfennig:Das Papsttum. Von der Antike bis zur Renaissance. Sonderauflage der 6. Auflage, Darmstadt 2009, S. 12.
↑Juan del Carmelo:Santidad en el pontificado. Los más grandes papas santificados a lo largo de la historia. Dagosola, Alcobendas 2009, S. 227.
