Willam Shakespeare (postume kopergrevure uut 1622)
William Shakespeare (Stratford-upon-Avon,26 april1564 (edeupt) – aldaor,23 april1616) was eenEngelsetenielschriever,dichter enacteur. Hi'j wördt deur veulen eziene as de grootste schriever in deEngelse taal, niet alleen wegens de kwaliteit van zien wark, mar ok wegens zien gloepense invloed op de taal: honderden woorden, uutdrokkingen en citaoten die nog altied gebruukt wördt, bint an hum toe te schrieven.
Hi'j wördt vaak de nasjenale dichter van Engelaand en deBard of Avon enuumd. Zien oavereleverde warken, waoronder een antal samenwarkingen, bestaot uut ongeveer 38tenielstokken, 154sonnetten, twee langeverhalende gedichten en verscheiden aandere gedichten. Zien tenielstokken bint in alle grote talen vertaald, en wördt vaker espeuld as wie zie warken dan ok.
Shakespeare is geboren en op-egruuid inStratford-upon-Avon. Op 18-jaorige leeftied trouwden e mitAnne Hathaway, mit wie e drei kiender kreeg:Susanna en de tweelingHamnet enJudith. Tussen 1585 en 1592 begund'e een succesvolle loopbaan inLonden as speuler, schriever en iene van de eigenaars van 'ttenielgezelschop deLord Chamberlain's Men, later bekend as deKing's Men. Rond 1613 - toen as e 49 was - mut e naor Stratford teroggekeerd wezen; d'r bint gien tenielstokken van nao det jaor van hum bekend. In 1616 kwaamp e daor uut de tied.
't Leeuwendiel van zien oavereleverde wark schreef Shakespeare tussen 1589 en 1613. Zien vrogge tenielstokken bint veuralbliedspeulen enhistoriespeulen, genres die e tegen 't end van de 16e eeuw töt grote heugtes brocht. Vervolgens schreef e veuraltreurspeulen töt ongeveer 1608, waoronderHamlet,King Lear,Othello enMacbeth, die töt de schierste warken in de Engelse taal wördt erekend. In zie leste periode schreef etragikomedies, ok wal romances enuumd, en warkten e samen mit aandere tenielschrievers.
Veul van zien tenielstokken wördden bi'j zien leven epubliceerd in uutgaves van wisselnde kwaliteit en zörgvuldigheid. In 1623 publiceerden twee van zien veurmalige theatercollega's deFirst Folio, zien verzamelde tenielwark, waorin aj alle tenielstokken vienden die now as Shakespeare zien wark wördt erkend, op twee nao.
Shakespeare was al bi'j leven een gewaardeerde dichter en tenielschriever, mar de immense bewondering die hum tegenwoordig toevalt, kwam op in de 19e eeuw. Mit name deromantici loofden zien kunnen, en in deVictoriaanse tied wördden e zo fanatiek bewonderd detGeorge Bernard Shaw 't had oaverbardolatry. In de 20ste eeuw is zien wark herhaaldelijk gebruukt en herontdekt deur onderscheiden stromingen in de wetenschop en dramatische kunsten. Zien tenielstokken wördt nog de hiele tied bestudeerd, op-evoerd en opni'j geïnterpreteerd in verschillende culturele en politieke contexten in de hiele wereld.
Dit stok is eschreven in 'tZuudwest-Zuud-Drèents van de Drèents-Oaveriesselse grèensstreek.
