Eenregenwold is eenbebostekosysteem mit esleutenboomlaoge waorin et hiele jaor deur vuleregen vaalt. As minumumneerslag wodt 1700 tot 2500 millimeter in et jaor aneholden, mit een bepaold minimum per maond. As de regen ongeliek over et jaor verdield is, kan der spraoke wezen van eenmoessonbos. Naor een bepaold soort regenwold dat teugen barghellings opgruit en vaeke in nevel ehuld is, wodt verwezen asnevelwold. Ofhaankelik van de klimaatzone, wodt der onderscheid emeuken tussentropisch regenwold engemaotigd regenwold.
In regenwolden komp vegetatie veur die van vochtigheid ofhaankelik is. Kenmarkend binepifyten (organismes die op levende plaanten gruien zonder daoran voedingsstoffen te onttrekken) enlianen (holtige klumplaanten die as steun om te gruien bomen gebruken). Meer as een kwart van de netuurlikemedesienen is in regenwolden evunden. Ok nemen zokke wolden 28% van dezoerstofomzet veur heur rekening.
Wieder bin et grote antal diersoorten en de hogebiodiversiteit kenmarkend veur regenwolden. Meer as de helfte van de plaantensoorten en diersoorten op eerde koemen in regenwolden veur. Regenwold wodt op grote schaoleekapt, waordeur alle jaoren duzenden diersoorten wegraeken.
Dit stok is eschreven in etStellingwarfs van de Kop van Overiessel.
