Myanmar, officieel deVerennigde Republiek Myanmar en okwal anduded asBirma, is een land in et noordwesten vanZuudoost-Azië. Van dee strekke is et wat oppervlak angeet et grötste land. Der wont 55 miljoen leu. Op et noordwesten is et noabers metIndia enBangladesh, metChina op et noordoosten,Laos enThailand op et oosten en met deAndamaanse Zee en deBaai van Bengalen op et zuden en zuudwesten. De heuvdstad isNaypyidaw, de grötste stad isYangon.
Eardere beskavingen warren onder mear de Tibeto-Birmese stadsstoaten vanPyu in Noordmyanmar en de keuninkrieken vanMon in et zuden. In de9e eeuw kömmen deBamarvolker etIrrawaddy-dal binnen. Doar stichten ze etkeuninkriek Pagan. Vanof den tied was etBirmees veur en noa.Theravadaboeddisme treuk an. Mer Keuninkriek Pagan kon weinig oetrichten tegen de oprukkendeMongolen. Doarnoa völ et land oeteen in verskillende stoaten dee as regelmoatig tegenoaver mekaar stunden. In de16e eeuw köm et geslacht Taungoo um 'n hook hen kieken. Dee wusten et spul tehoop te kriegen en der et grötste riek van de strekke van te maken. Veurin de19e eeuw had et geslacht Konbaung et veur et zeggen. Dee regearden oaver wat noe Myanmar is, met nog delen vanAssam, deLushai-heuveln enManipur der biej. Tegen deBritse Oostindische Kompagnie leaden ze et of, skoonwal, noa dreeAnglobirmese Oorleuge. Vanof den tied was et neBritsekolonie. Noa ne körteJapanse bezetting in 'nTweeden Wearldoorlog wör Myanmar bevrieded duur deAllieerden. Op 'n veerden januari van1948 verkloaren Myanmar zik onofhankelik onder de Birmese Onofhankelikheidsverkloaring van1947.
Vanof den tied was der in et land regelmoatig donderieje. In1962 volgden nen stoatsgreep en was der een militair diktatorskop onder de Partieje van et Birmese Socialistenprogramma. Op8 augustus1988 kömmen de leu der tegen op de achterste benen in wat te book steet as de8888-opstand. Doarduur zol Myanmar oavergoan op een stelsel met meerdere partiejen, mer 'n road van soldoaten dee as et vuur et zeggen hadden, wollen et neet oet handen geven. Ze hebt et rechtevoord nog aait veur et zeggen.
Myanmar hef nog aait te lieden van onderlinge volkerstried. Et land hef ene van de langstdoerendebörgeroorleuge van de wearld. DeVerennigde Naties en verskeidene andere organisaties doot verdan verslag van deurgoande en stelselmoatige skending vanmenskenrechten. In2011 wör de soldoatenregearing officieel ophöffen noa verkiezingen van2010, en een van naam börgerregearing wör insteld.Aung San Suu Kyi en andere politieke gevangenen wörren lösloaten en in2015 kömmen der wier verkiezingen. De bände met et boetenland wörren anhaald en strafmoatregelen tegen et land wörren slokker. Toch blievt internationale hulporganisaties an de belle trekken oaver skendingen van menskenrechten, veural as et geet um deRohingya. do as Aung San Suu Kyi biej de verkiezingen van2020 met kop en skolders wun in beide kamers van de regearing, greep et Birmese leager de macht wier met nen stoatsgreep. Internationaal wör der tegen angoan en ook in Myanmar zelf brökken protesten oet. Et leager höw der op en wier ontstund nen börgeroorlog. Aung San Suu Kyi wör ook greppen um ear veur de kamera's vort te holden. Zee kreeg anklachten an de bokse zo asumkeupboarheid en et skenden van veurskrivten umtrentCOVID-19, volgens onofhankelike wachters allemoal kulverhalen um ear zwart te maken.
Myanmar is anslötten biej deOostaziatische Top,Neet-lieerde Beweaging,ASEAN enBIMSTEC. Ondanks at et ooit ne Britse kolonie was, dut et nich met an etGemenebest. Myanmar mag metkuiern in deSamenwarkingsorganisatie Shanghai. Et land hef heel wat natuurlike grondstoffen asjade,edelsteender,öllie,eardgas,teakholt enmineralen. Ok hef et op papier et grötste zunnekrachtpotentieel, in vergelieking met umliggende landen. Toch is Myanmar een wankel land deur onderlinge oorleuge, umkeuperieje en slechte weagen. Ook vernemp et nog de gevolgen van koloniale oetzoegerieje woarbiej weinig op de leu oetdoan wör. In2013 had Myanmar ne totale geldweerde van € 49 miljard en nen koopkracht van € 195,2 miljard. Inkommens in et land ligt et wiedst oet mekaar van alle landen, umdat een groot deel van de winstgevende instellingen in handen zint van handlangers van et militaire bewind. Et is ene van de minst ontwikkelde landen.
Sinds2021 hebt mear as 600.000 leu 'n kroam biej mekaar pakt en bint vortgoan um de noaslage van 'n börgeroorlog. Dree miljoen leu zitt te springen um noodhulpe. Volgens de Verenigde Naties stoat in december 2024 1,3 miljoen leu as vluchteling of asielzeuker te book.
.svg)
.svg)