Et Kazaks taolgebied. Donkerblauw: Kazaks as maardereidstaol. Lichteblauw: Kazaks as taol van een mindereid.
EtKazaks ofKazachs (eagen name:Qazaqşa, Қазақша, قزاقچه, al naor gelang wat vuur skrift der gebreukt wordt) is de nationale taol van etKazachse volk in iene van de twie officiële taolen vanKazakstan, naost etRussisch. Et wordt epraot duur zo'n 16 miljoen minsen inKazakstan, et euterste noordwesten vanChina, 't westpuntjen vanMongolië, duur mindereden in angrinzendRusland inOezbekistan in duur nog wat migranten varderop.
Net as de meeste Turkse taolen ontsting et Kazachs noadat de Turken eurlui nao et westen oetbreaiden. Duurdat zemoslims binnen eworden, eawen de Kazachen al vruug vuulArabische enPerzische woorden in eurluier taol openeumen. An de dominantie van de Perzische cultuur kwam in de negentiende eeuw 'n ind, toe Kazakstan diel van 't Russische Riek wier. Mit de inveuring van et communisme wier de godsdienst zelfs ielemaol taboe. De Kazakken wieren edwongen et Arabisch skrift op te geven en over te goon op eerst et Latijns, daorna et Cyrillisch ('Russisch') skrift.
In disse teed nam de taol oek vuul Russische woorden op. Oek breaide et Russisch im, vuural in de steden, sterk eut duur alle Russen (en andere niet-Kazakken) die daor kwammen woenen. Daorom wordt oek vandage nog de Kazakse taol lang niet duur alle minsken as eerste taol gebreukt; Russisch wordt zieker in de steden beter verstoon. Nao de onafaankelekeid van Kazakstan ding de regering gien poging om de minsken massaol et Kazaks as ienige officiële taol op te leggen. Wel wordt er wark emaakt van et (er)invoeren van et Latijns alfabet, wat 't ouwe Cyrillische alfabet moet vervaangen. Anno 2025 is die veraanderege nog niet compleet.
