Francis Albert Sinatra (12. december1915 –14. mei1998) was nenamerikaanskensanger unaktöör. Med bynamen as "Chairman of the Board" (rådsvöärsitter) en "Ol' Blue Eyes" (Blauwougs-Frans) wördt hee seen as eyne van de meyst populäre figuren in de vermaakindustry van et twentigste jårhunderd. Wearldwyd sint der ungeväär 150 miljoon platen van em verkocht, wat em eyne van de bestverkoupende artysten van de wearld maket.
Sinatra wör geboren inHoboken in den ståtNyjersey as söäne van italiaanske immigranten.Swing was syn ding. Wat sangstyl angeyt nöäm hee vöäle oaver van de lösse easy-listeningstyl vanBing Crosby. Nå nen platendeal byColumbia Records in1943 bröäk hee döär, med name by de sounöömde 'bobbysoxers', junge mäkens van dee tyd dee sik underskeiden med korte sökke. In1946 küm Sinatra med syn debuutalbumThe Voice of Frank Sinatra. Hee teykenden byCapitol Records un gavven dår verskeidene good-untvöngene albums uut. In1960 begünde Sinatra syn eygene platenuutgeaverye,Reprise Records. Ouk dårmed gavven hee med grout sukses ne heyle batterye an albums uut. In1965 küm hee med et terügkykende albumSeptember of My Years un spöälden in de televisy-uutsendingFrank Sinatra: A Man and His Music, wat em nenEmmy upleyverden. Nå et albumSinatra at the Sands in1966 nöäm Sinatra eyne van syne grötste samenwarkingen up, med denbrasiliaanskenTom Jobim:Francis Albert Sinatra & Antonio Carlos Jobim. In1968 volgden en album medDuke Ellington:Francis A. & Edward K. Med de uutgave van "My Way" güng Sinatra in1971 med pensioon, mär twey jår later küm hee weader. Hee nüm noch verskeidene albums meyr up un gavven in1980 et nummer "New York, New York" uut.
Nöäst syn singwark wüst Sinatra de weg in de wearld van televisy. Nå at hee nenAcademy Award wün vöär Besten Sydaktöör inFrom Here to Eternity (1953) spöälden hee med inThe Man with the Golden Arm (1955) unThe Manchurian Candidate (1962). Ouk spöälden hee med in musicals asOn the Town (1949),Guys and Dolls (1955) unHigh Society (1956). Vöär syn wark inPal Joey (1957) wün hee nenGolden Globe Award. Teagen et ende van syne loupbane spöälden hee vake detectives, sou as de höyvdrulle inTony Rome (1967). In1971 wün hee de Golden Globe Cecil B. DeMille Award. In1950 begün de rygeThe Frank Sinatra Show up et kanaalCBS un in de vyvtiger un sestiger jåren was hee vake vöär televisy to seen.
In1983 kreag hee de Kennedy Center Honors. In1985 kreag hee de presidentiäle Vryheidsmedaille un de Goldene Medaille van et Nationaal Kungres in1997. Sinatra wün elvGrammy Awards. Et tydskrivtTime nöömden em eyne van 100 meyst invloodryke figuren uut de 20. eywe.
Sinatra trouwen uutendelik veer mål. Uut syn eyrste huwelik kreag he dree kinder,Nancy,Frank Junior unTina. Sinatra vrat regelmåtig under den dråd hen, un van syne knoierye med under meyrMarilyn Maxwell,Lana Turner,Joi Lansing, unMarilyn Monroe stünden de roddelblader vul. Hee vöölden sik et beste as he düre kleyder anhad ün was slim vitterig an persöönlike versorging. Van Sinatra is bekend at hee rap hellig kunde worden un neet bange was üm der up te houwen. Hee had bände med deunderwearld (synen peetvader was nen underbaas van ne mafiafamily), un hee hevt es esegd dat as hee neet solde singen, hee wårskynlik in de kriminaliteit terechte ekümmen solde weasen.
