DeFilippynen, officiääl deFilippynske Republik, is neneilandståt inSüüdoust-Asie. Et ligt in den westelikenStillen Oceaan en besteyt uut 7641 eilanden. By mekander meatet dee 300.000 kilometer in et veerkant. Se sint ruwweg in dree höyvdgrupen in to deylen:Luson,Visayas enMindanao. Med meyr as 110 miljoon inwoaners is et up elvene nå et drukstbevolkede land van de wearld.
De Filippynen ligget an deSüüdchinääske Sey up et westen, deFilippynske Sey up et ousten en deCelebessey up et süden. Et hevt militäre grensen medTaiwan up et noorden,Japan up et noordousten,Palau up et ousten en süüdousten,Indonesie up et süden,Maleisie up et süüdwesten,Vietnam up et westen enChina up et noordwesten. Der woanet verskeidene volker döär mekander. De höyvdstad isManila, de stad med et meyste inwoaners isStad Quezon. Beide höyret se by et städelik gebeed Manila.
De eyrste inwoaners van de eilanden, deNegritos, kreagen eyrst to maken medaustronesiske volker. Händigan sorgden verskil in gelöyv der vöär dat der meyrere köäningryken untstünden. Döär handel med deTang- enSong-geslachtslynen kümmen der ouk chinäsen nå de eilandengrupe. Dee bleaven alvoordan meyr vöär vaste un vermengden sik med de andere lüde. Med den kumst vanFerdinand Magelhaan begünde despaanskekolonisaty. In1543 döypeden den spaansken untdekkingsreisigerRuy López de Villalobos de eilandenlas Islas Filipinas as eyre nå köäningFilips II. DeRoumsk-Katolike Karke nöäm de vöärnaamste steade up de eilanden in. Manila wör den vöärnaamsten döärvoorpost vöär denhandel. Ouk migranten uutLatynsk Amerika en etIberisk Skyreiland kümmen in flinke antallen up de eilanden an.
In1896 begünde deFilippynske Revoluty, wårmed de eilandengrupe verwikkeld rakeden in denSpaansk-Amerikaansken Oorlog van1898. Spanje stünd et gebeed af an deVereynigde Ståten. Filippynske upstandelingen röpen deEyrste Filippynske Republik uut. Dat leidden to denFilippynsk-Amerikaansken Oorlog, wår de VS as winner uutküm. See bestüürden et gebeed töt de japanske inval by denTweyden Wearldoorlog. De VS nöämen et weader af van Japan, wårnå as de Filippynen in1946 unafhangelik wörden. DendiktatorFerdinand Marcos rööp den noodtostand uut en regeyrden van1972 töt1981 med harde hande. Döär deVolkskracht-Upstand wüst et land em in1986 te wippen en weader en demokraty to worden.
De Filippynen sint nen upkummenden markt. Et is en untwikkelend land wat rap an et industrialiseren is. Se sint in oavergang van vöärnamelikburenland nå deensten en makerye. Et land hevt heyl wat boademskatten en ne verskeidenheid an planten en deers dee belangryke sint vöär de wearld. Et land is aneslöäten by verskillende internationale organisatys. VöäralASEAN is dårby vöärnaam. Undanks harden ekonomisken groi hevt et land to maken med groute ungelykheid en slimmeümköyperye. Döärdat et land up denRing van Vüür en deneavenaar ligt, hevt et regelmåtig last van natuurgeweld asaerdbeavingen, heyvigen reagen en tropiske störme.
