Arizona is nen stoat in t zuudwesten van deVerenigde Stoaten. De heuwdstad isPhoenix en ook direks de grötste stad van den stoat. De tweede-grötste stad isTucson.
Arizona was n achenveertigsen en lesten van de oolde stoaten den't too wör eloaten töt deUnion (t verboond) in februwoari1912.
Arizona steet bekeand um t dreuge woestienklimaat, onmeundig hete zommers, en zachte weenters. In t noorden is skoonwal verskeaidene noaldbossen en boargrieges woer at 't meender hete is. Roond 2006 har Arizona t hardst gröaiende inwonnertal van de VS, en steet doarmet rechtevoort op de tweede plek. Arizona hef t meeste antal vrouwelike goeverneurs ehad van alle stoaten.
Arizona heurt bie ene van de "Four Cornersstoaten" (Veer-Heukestoaten). t Greanzet anNiej Mexiko,Utah,Nevada enKalifornië en ook nog iets met n tip anKolorado, en hef op t zuden ne greanze van 626 km metMexiko. Umdet t zo stoark verbeunden is met zuud-Kalifornië, wörd t vake wal töt de westkuste rekkend, terwiel Arizona feaitelik an gin eankele kuste ligt.
