'Ocarrarmato,carr'armato, o pure 'ocarro armato è nu veiculo 'a cummattemento terrestre e mmarine, adatto a ngaggià scuntre 'mmuvemento pure ncopp''e ddestanze corte. 'E carr'armate tradezziunalmiente se suddivideno dinto carr'armate liéggie, miede, pesante e ssuperpesante. Chesta tipuloggia 'e miezzo miletare vene autilezzato dinto nu campo 'e vattaglia p''a primma bota dint''a vattaglia d''a Somme, durante 'aprimma uerra munniale.
Dinto ll'età muderna, 'e primme ttiurezzazione fosseno state furmulate 'aLeonardo da Vinci, ca ipotizza e pprugetta dint''o 1485 nu mudiello 'e nu ntenato plausibbile d''o carrarmato attuale, canusciuto comme 'o "carrarmato 'e Leonardo". Fine dê nnizie d''oXX seculo alcune studiuse se mettetteno 'o prubblema d''o muvemento mutorizzato ncopp''o campo 'e vattaglia, pure si, nzi â primma uerra munniale quase nisciuno aveva capito quale fosse stato 'o vero prubblema tatteco; generato 'a trencera, filo spinato e mmetragliatrice. mParticulare alcune idee (sulo ncoppa carta, cchiù letterarie ca tecneche) furono espresse dô scrittore ngrese H. G. Wells, dint''a descrizione d''a "cestunia curazzata" soja. Chi invece affrontò 'o prubblema dô punto 'e vista tecneco fuje 'o tenente 'e ll'eserceto mperiale austriaco Günther Burstyn, ca dint''o 1911 priparaje nu prugietto e nu mudiello p''oBurstyn Motorgeschütz, nu veiculo curazzato ca moveva ncoppa cingule e aveva l'armamento prencipale dinto turretta ruotante.
'O sturio d''o carrarmato fuje nniziato, abbascio 'a spinta d''o Primmo lord 'e ll'AmmeragliatoWinston Churchill, 'a parte d''a Royal Navy, abbascio 'o nomme 'e cupertura 'e prugiettoTank. 'E sperienze precediente cu 'e autoblindo aveveno demostrato ca 'e ròte nun erano adatte ô muvemento ncopp''o terreno scunvolto dô fuoco d'artegliarìa, quinni se decise immediatamente 'e dutà 'o nuovo miezzo 'e cingule, e effettivamente 'e primme prototipe pareveno d''e gruosse serbatuje avvulte 'a cingule. Buon priesto ll'Eserceto vretanneco nniziaje 'a cullaburazzione ô prugietto cu 'a Marina. Nsino dê primme mise d''aprimma uerra munniale fuje evidente ca 'o prubblema tatteco 'a resolvere, na vota ca era finita 'a uerra 'e muvemento e ll'esercite s'erano bloccate ncoppa nu sistema 'e trencere luongo centenara 'e chilomietre, era chello 'e superà l'accoppiamento metragliatrice-filo spinato. Chiste duje miezze, nzieme ô terreno scunvolto dê preparazione d'artegliarìa, mpedeveno â fantarìa l'avanzata 'mmassa ncopp''e trencere nemmiche e, pure ammesso d'uttenere na vittoria lucale, 'e sfruttà appieno 'o succiesso. Già dint''o 1915 s'arrivaje a nu primmo prugietto 'e massima: cingule avvolgiente, mutore Daimler 'a 105 hp, velocetà 'nchiano 'e 6,5 km/h, armamento ncoppa doje metragliatrice o na metragliatrice e nu cannone 'a 2 lìvere (40 mm).
Poco aroppo 'o nnizio 'e ll'operazione Barbarossa, quanno 'e carre d''a Wehrmacht ncuntrajeno 'e T-34, tutte 'e carre presiente ncopp''e campe 'e vattaglia d''aseconna uerra munniale addeventajeno antrasatte obsulite. 'O T-34 fuje 'o capostipite 'e n'evoluzione tioreca e ttecnuloggeca ca avesse portato ô carrarmato 'a vattaglia 'e mmo.
