یونان اتا جزیرهای منطقه هسته کهمدیترانه شرق دره و اتخله جزیره و جزیرهمونا جه تشکیل وانه.باستانی یونان که قرون ۸ و ۶ پیش از میلاد جه شروع بیّه، اتا گتِ تمدن بییه که این جزیرهئون وبالکان ِجنوبی قسمت دله تشکیل بیّه. باستانی یونان بنیبشرِ تاریخ دله اتا مهم دوره هسته که خله چیزها ره آدمی اونجه کشف هاکرده و اکثر علومی که اسا درنه، اون گادِر یونانیها دَس بوجود بمونه. باستانی یونان دله مرکزی حکومت وجود نداشته و هر شهری شه وسّه اتادولت-شهر بسات بییه، که اینان ره «پولیس» گاتنه و وشونهای حکومتِ شیوه هم فرق داشتنه. بعضی شهرون اون گادردموکراسی جه اداره بینه و بعضی ره هم اشراف و پولدار کسون اداره کاردنه و اتکه شهرون هم شاهنشین بینه.این شهرون تجارت پشتی رشد هاکردنه و مدیترانهی کرانهئون ره شه قدرت جه اداره کاردنه.ایتالیا وآفریقای شمال دله شه وسّه کولونی و استعماری مناطق بساتنه و چون نتونستنه تیناریهخامنشیون یا دیگر دشمنون جه جنگ دکفن، اتحادونی بساتنه وایران و یونان جنگ دله کایری هاکردنه.آتن واسپارت اون گادِر دِتا مهم شهر بینه که هرکامین اتا اتحاد دله گت-گتی کاردنه. این دِتا میونپلوپنزی جنگ دکته کهآتن طلایی دوران ره تموم هاکرده و آتنی مردمون ِدموکراسی ره رقد بدا ولی آتنیها اَی شه شهر ره پس بَیتنه.
آکروپولیس کهآتن ِطلایی دوران گادِر بساته بیّه و باستانی یونان ِسمبل هسته.
باستانی یونان دله اتا اساطیری دین وجود داشته و مردم هر چی ندونستنه ره خدائون جه ربط دانه. وشون ِدین دلهزئوس اصلی خدا بییه ودوازده ایزد المپنشین دنیا ره کنترل داشتنه. البته خله یونانیها هم دَیینه که خدائون وسّه ارزش قائل نَیینه و گاتنه هر چیزی دنیا دلهقانونی دارنه و آدمون ونهفلسفه پشتی این قوانین ره دَربَوِرن.پیشاسقراطیون اولین کسایی بینه که فلسفه و فکر هاکردنِ راه ره بوجود بیاردنه ولی اَیافلاطون وارسطو (کهسقراط شاگرد بینه) اتا جدیدِ دوره ره شروع هاکردنه و فلسفه ره تغییر هدانه و ارسطومنطق ره بوجود بیارده. اولین کسی کهتاریخ ره بنویشته همهرودوت بییه که شه یونانی بییه.
زمونی برسییه کهفیلیپ مقدونی موفق بیّه یونان ِاتا شمالی منطقه جه بئه و تموم شهرون ره اشغال هاکنه و ونه ریکااسکندر مقدونی هم ونه راه ره ادامه هدا و یونانیون ِارتش جه تموم دنیایی که اون گادِر إشناسینه ره لشکر بکشییه وایران وبین النهرین ومصر ره بَیته و تاهندوستون پیشی بورده ولی خله زود بمرده و ونه ملک ره فرماندهون شه میون رَسِد هاکردنه. این دوره رههلنیستی دوره گانه. هلنیستیون دوره چارتا فلسفی مکتبپیرهونیسم،کلبیون،اپیکوریسم ورواقیون رواج پیدا هاکرده که همهشون تحتتأثیر دنیایی بینه که تموم دنیایِ مردمونِ فرهنگ و علوم ونه دله پشو بخرد بییه. این گادِر هنتا افلاطون و ارسطو ِپهروون هم دَیینه کهنو افلاطونی جلگه ره بساتنه و اساس اونچی بعداًمسیحیت ره تبدیل بیّه ره دشنینه.
روم دله شهرونی که یونانیون مستعمره بسات بینه رشد هاکردنه و کمکم وشون قدرت خادی یونان جه ویشته بیّه و تموم مدیترانه ور-تا-ور ره بَیتنه وروم امپراتوری دنیایِ قویترین حکومت بیّه. این امپراتوری دله دِتا فرهنگ و زوون تسلط داشتنه که اتا یونانی بییه که ونه شرقی نیمه ره داشته و اتالاتینی فرهنگ بییه که ونه غربی نیمه دله تسلط داشته.
کنستانتین که امپراتور بیّه، شه مملکت ره دِ تا ناحیه هاکرده وغربی روم ره بسپارستهرم ِشهرِ سیاستمدارون دَست وشرقی روم رهکنستانتین پول جه اداره کارده. وه دستور هدا که مسیحی دین ره واحدالشکل هاکنن و ونه وسّهنیقیه شورا ره بساته که این دین ره سازماندهی هاکردنه. وه آخرهای عمرش بییه که مسیحی بیّه این دین ره رسمیت هدائه.
شرقی روم و غربی روم اتکه بگذشته په سیوا بَینه و شرقی مناطق که یونانیون اونجه دَینه، شه اسم ره بییشته «بیزانس» واورتودکس ِمذهب ره انتخاب هاکردنه. وشون شه شرقیوَر جهایران و بعداًاسلامی خلافت جه همسامون بینه وآناتولی دله همیشک وشونها جه جنگ داشتنه. بیزانس وسّه اقتصادی و سیاسی مشکلاتی بوجود بموئه که وشون ره دله جه دپاشنییه ولی هنتا مسلمونها نتونستنه وشون نیشتگا ره بَیرن. تا اینکهسلطان محمد فاتح موفق بیّه این حکومت ره رِقِد هاده و «استامبول» شهر ره فتح هاکنه. وهعثمانی امپراتوری ره بساته که تا سالهابالکان و یونانیهنیشت مناطق ره شه سامون درون داشته و خله شهرونی که یونانی جمیعت داشتنه، این دورهترکِ مردمون ِدَس دکتنه و اواخر هم اتا نسلکشی دله یونانیون تبعید یا بکوشت بَیینه.
تا سال ۱۸۲۱ یونان ره عثمانیون اداره کاردنه. این گادِر یونانیون شه استقلال ره بخاه بَینه، اما تا سال ۱۸۲۹ ونجه نرسینه. اروپایی کشورون اوائل ترسینه که اگه عثمانی بهم دپاشه، توازن قوا بهم خارنه. روز ۲۰ اکتبر ۱۸۲۷ کشتیهایی که انگلیس ، فرانسه و روسیه جه یمونه، عثمانی و مصر ره حمله هاکردنه. روسیهیِ خارجی امورِ وزیر، یوانیس کاپودیستریاس ، شه یونانی بییه؛ وه شه ره یونان ِاولین رییسجمهور معرفی هاکرده و موفق بیّه اتا دولت بساجه و ارتش تشکیل هاده. امّا وه ره ترور هاکردنه و اروپایی کشورون تصمیم بَیتنه یونان ونه پادشاهی بائه. یونان ِپادشاهی سعی داشته شه همزوون مردمون که هنتا عثمانی ِسرحدات دله دَیینه ره سیوا هاکنه و شه سامون دله بیاره ولی موفق نیییه.
اواخر قرن نوزدهم، مدرنیزاسیون خله یونان مردمون ره عوض هاکرده. جمعیت سریعاً ویشته بیّه و باعث بیّه کشاورزونی که شه پچ-پچیک زمین سر کار کردنه، مزراب دکفن.جمیعت انبسی که سال ۱۸۲۹ حدود ۴۱ نفر در مایل مربع بییه، تا سال ۱۹۱۲ بیّه ۱۱۴ نفر. چون خراک کم بیّه و زندگی سخت بییه، حدود ات چارک (¼) بین سالهای ۱۹۰۶ تا ۱۹۱۴ کوچ هاکردنهمتحده ایالات. شهری مردمون جمیعت ۸ درصد سال ۱۸۵۳ جه تا ۲۴ درصد سال ۱۹۰۷ جه برسییه. آتن که اتا پچیک مله بییه و سال ۱۸۳۴ دله ۶۰۰۰ نفر آدم داشته، سال ۱۹۰۷ دله حدود ۱۶۷،۰۰۰ نفر جمیعت پیدا هاکرده. شهرون همینتی رشد هم کاردنه و تجارت ویشته بیّه.
این دوره خله جنگها دله یونانیها هم درگیر بَینه:بالکان جنگ،جهونی اول جنگ و یونان-ترکیه جنگ،جهونی دوم جنگ و آخرسر همیونان دلهیی جنگ. دلهیی جنگ زمونی بییه کهسرد جنگ دلهشوروی ومتحده ایالات ِطرفدارون درگیر بَینه و آخر کار آمریکایِ طرفدارون کشور ره بدست بیاردنه. سالهای ۱۹۴۹–۱۹۶۷ یونان طرحهایی که بلوک غرب دانه همراهی جه رشد هاکرده ومارشال طرح جه توسعه پیدا هاکرده. سال ۱۹۶۷ اتا نظامی دیکتاتوریکودتا جه قدرت ره بدست بَیته و تا هفت سال بکشییه که اَی اتاجمهوری برقرار بوو. این جمهوری که وه ره «سومین هلنیک جمهوری» گانّه، هنتا برقرار هسته. یونان اون گادِر تاساناتو واروپای اتحادیه دله عضو بیّه و غربی کشورون جه حساب وانه.[۳]
یونان حدوداً ۶۰۰۰جزیره دانه که فقط ۲۲۷تا آدِم دَره. این جزیرهئون ره بعضی پولدارون هم بتونّه بخرینِن.[۴] یونان ۱۳ ناحیه دانه که این ناحیهئون هم شه ۵۴ شهرستون وانّه:
.svg)
