علاوه بر اوستانهای بالائی کشور چین دارای چندین منطقه خودمختار هسته:تبت ، شین‌جیانگ ، گوانگشی ، مغولستان داخلی و نینگشیا . همینتیهنگ کنگ وماکائو 2 منطقه اداری شاء چین دله هسنه.
چین اتا دنیا گت‌ترین ایقتصادون ره دارنه.اینتا کشور پیل یکا نومیوآن هسه.هونگ کونگ که ونه اتا گت‌ترین شهرون جا هسه اتا دنیا گت‌ترین ایقتصادی نیشتنگائون جا هسه.
چین اتا دنیا تاریخی‌ترین کشور هسه. اینتا کشور ٢٣٠٠ سال کوهنگی دارنه. چین باستانی شهرونیانگ تسه کیانگ روخنه ور دینه و هئی جا متحد بینه تا لائیز دم ره بیرن. اینتی اولین حکومتون بساته بینه. چندین قرن شاهونی که رقیب بینه جنگ کردنه تا قدرت بیرن و ویشترین سامون ره دارن. هزارسال جنگ و درگیری باعث بیه مردم و عالمون جنگ جا بیزار بوون.کونفوسیوس این گدر شه گپ ره بزو که گاته ونه حاکمون چتی اخلاقی حکومت دارن و مردم ره ظلم نکانن.
چین انده باقی فرهنگ‌هایی که آسیای غرب و اروپا دله دینه جه دیر هکت بی‌یه که وشون جه ارتباطی نداشته. چینی‌ها باقی فرهنگ‌ها ره بربری و نامتمدن دونستنه. شه دوردیفار بکشینه و وشون دل نخاسته ارتباطی دارن. زمونی که اروپایی استعمارون خاستنه وشون جه تجارت هاکنن، چین شاهون مخالف بینه و نی‌یشتنه. تا سال‌ها اروپا موفق نیه چین جه اقتصادی و سیاسی ارتباط پیدا هاکنه.بریتانیا اونجه تریاک قاچاق کرده و باعث بیه مردم معتاد بوون. زمونی که چین حکومت وشون ره منع هاکرده و خاسته تریاک جلو ره بیره، بریتانیا لشکر هکشی‌یه وتریاک جنگ دله چین ره شکست هدا. وشون اتا پیمون‌نومه بنویشتنه که چین ره تحقیر هاکرده و خله امتیازات اجنبی‌ها ره هدا.هونگ کونگ شهر دکته بریتانیا دست وماکائو ره پرتخال بیته.
سال ۱۹۱۲چینگ سلسله ره جمهوری‌خاهون رقد بدانه و امپراطوری از بین بورده. جمهوری دله اتا دکتر رئیس جمهور بیه و چن حزبی حکومت بساته و ملی‌گرائون دولت تشکیل دانه. اتیکمونیست حزب هم این گدر دیه که شوروی جه تاثیر گیته و دولت دله هم‌باز بی‌یه ولی کم‌کم ناسیونالیست‌ها و کمونیست‌ها جنگ دکتنه و دله‌یی جنگ شروع بیه. کمونیست‌ها در شکست خردنه که این موقعجهونی جنگ دوم شروع بیه وجاپون چین ره حمله هاکرده و خله شهرون ره بیته. کمونیست و ناسیونالیست حزبون ای متحد بینه تا جاپون ره در هاکنن. جنگ تموم بیه په، ای د گروه جنگ دکتنه و این صوه ناسیونالیست‌ها شکست بخردنه ومائو اتا کمونیست دولت تشکیل هدا. ناسیونالیست‌هایی که بموندستنه، فرار هاکردنه و بوردنه تایوان جزیره دله و هنتا اتی مستقل راستگرا حکومت ره اونجه دارنه.
.svg)
.svg)
