پاکسّون (اردو جه:اسلامی جمهوریۂ پاکستان)، اتا کشورآسیای ِجنوب‌غرب میون هسته و ونه نیشتنگا نوماسلام‌آباده. این کشور ِجنوب هزار کیلومتر دریایی سامون،عمان دریا جه، وجود دانّه و غرب جهایران، شمال جهافغانستون، شرق جههند، و شمال شرق جهچین ره وَر خانّه.کشمیر ِناحیه سَر هند و پاکستون اختلاف دارنه. این دِ تا کشور مشترکاً اون مناطق ره دارنه و هرکامین بعضی جائون ره اداره کانّه.
اردو وانگلیسی این کشور دله رسمی زوون هستنه وکراچی ونه گتترین شهر هسته. رسمی دین پاکستون دلهاسلام هسته واسلامی کشورون دله، دومین کشوری هسته که ویشترینمسلمون ره دانّه. این کشور سال ۱۹۴۷ میلادیهند جه سیوا بیّه، یعنِن زمونی که هند خاستهبریتانیا جه مستقل بَواشه، ونه مسلمون ِمناطق سیوائونه اتا کشور بساتنه که ونه نوم پاکستون بیّه. سال ۱۹۷۱ اتا دله‌یی جنگ(= جنگ داخلی) پاکستون ره دِ تیکه هاکرده وشرقی ِپاکستون که اسا ونه نومبنگلادش هسته، اتا سیوا کشور بگردسته. پاکستون دله نظامیون خله قوی هستنه، این کشور تنها اسلامی کشور هسته که رسماًهسته‌یی سلاح دانّه.
پاکستون سال ۲۰۱۲ گاته که بیش از ۱۸۰ میلیون نفر جمعیت جه شیشمین پرجمعیت ِکشور هسته. این کشور دله حکومِتفدرال و پارلمونی جمهوری هسته و ۴ ایالت و چارتا فدرالی سامون جه تشکیل وانه.
وقتی هند ِاستقلال ِجنگ ۱۸۵۷ میلادی درگیته، مسلمون‌ها هم دیگه هندیون واری، بریتانیا جه جنگ داشتنه. مسلمون‌های ِلیگ(=جبهه) هند دله نیمه دوم دهه ۱۹۳۰ کنار بَزه بیّه و همینسه مسلمون‌ها هند ِمقامات جهقز هاکردنه و ۲۹ دسامبر ۱۹۳۰اقبال لاهوری اتا بیانیه هِدا که خانه اسلامی مناطق ره سیوا هاکنِن. زمونی کهگاندی خاسته هند ره انگلیس جه مستقل هاکنه، پاکستونمحمدعلی جناح ِرهبری جه اعلام هاکرده که خانه اتا مستقل کشور بَواشه. جناح شه قبل این کهبریتانیا هند ره استقلال هاده، گاندی ِرفقون جه بی‌یه. آخرسر «لاهور قطعنومه» دله سال ۱۹۴۰ میلادی رسماً این قضیه عملی بیّه.
هند دله ۱۴ آگوست ۱۹۴۷ کشور ِدِ وَر که مسلمون‌ها اکثریت بینه، کشور جه سیوا بَیینه. این تجزیه باعث بیّه خله جائون شورش بَواشه. این اتفاقات باعث بَیینه سامون ِمشخص هاکردِن سَره اختلاف پیش بئه وکشمیر دله جنگ بَواشه.
اقتصادی و سیاسی مسئله‌ئون شرقی پاکستون(بنگلادش) دله باعث بَیینه که این منطقه هم غربی پاکستون جه اختلاف دَکفه و سال ۱۹۷۱ شه اتا سیوا کشور بَواشه. دِتا نظامی رییس‌جمهور ِپه، میون سال‌های ۱۹۷۲ تا ۱۹۷۷ذوالفقار علی بوتو حکومت داشته ولی ای سال ۱۹۷۹ ژنرالمحمد ضیا الحق وه ره بکاشته و چارومین رییس‌جمهور بیّه. ضیاء الحق کشور دله اتی اصلاحات هاکرده وسکولاریسم مسئله ره گت هاکرده. ونهبالون(=هواپیما) سال ۱۹۸۸ سقوط هاکرده و وه بمرده.بی نظیر بوتو، کهذوالفقار علی بوتو ِکیجا بی‌یه، این گادِر بعنوان اولین زنی که نخست‌وزیر بیّه، پارلمون دله قسم بَخارده. وه ره مجبور هاکردنه که کنار بَکشه و بی‌یلهنواز شریف قدرت سَر بئه.
سال ۱۹۹۹ زمونی که پاکستون و هند میون جنگ بی‌یه،پرویز مشرف اتا کودتا جه حکومت جه برسی‌یه و سال ۲۰۰۱ مشرف رییس‌جمهور هم بگردسته. سال ۲۰۰۲ مشرف قبول هاکرده که اجرایی قدرتون ره هاده اتا نخست‌وزیر دَس وظفرالله خان جمالی و پـِیی‌تهشوکت عزیز نخست‌وزیر بَیینه.
پاکستان ِکشور دله ملی هویت رهاسلام و رقابتی کههندوئیسم جه داشتنه بنا هاکردنه و همینسه هویتی مشکلات دارنه. این کشور دلهکودتا زیاد وونه و گال-به-گال دموکراتیک حکومتون و ارتش ِنظامی حکومت هئی جا-به-جا وونّه. خال کندی این کشور دله هر انتخاباتی که وونه حق و باطل ِجنگ هسته و همینسه تنش و درگیری زیاد هسته. احزاب هم ویشتر منطقه‌ای په‌روو دارنه.نواز شریف و ونه خانواده مثلاًپنجاب دله کارخنه‌دار هستنه و اونجه مردم وشون سر رأی دِنّه و بوتو-زرداری ِخانواده همسند ایالت دله همین وضع ره دارنه. ات گروهمهاجر هم درنه که هند جه شه کوچ ره بیاردنه و گت‌گتِ شهر، خصوصاًکراچی وحیدرآباد دله، درنه و وشون هم اسا شه سر حزب دینگونه. بلوچستان و پشتونستون مردم هم محلی احزاب ره رأی دِنّه. بعضی اسلامِ تندرو حزبون هم البته درنه که همه جا په‌روو دارنه و بعضاً کودتا جه هم پشتی هاکردنه.
پاکستون مردم ویشتراوردو زوون ره گپ زننه ولی ونه شمال ور مردمپشتویی زوون و ونه غرب وربلوچی زوون ره هم گپ زننه. ونه ویشتر مردم موسلمون هسنه. ولی اتیهندو واحمدیه هم وشون میون درنه.
.svg)
