میانمار یا برمه یابیرمانی (ပြည်ထောင်စု သမ္မတ မြန်မာနိုင်ငံတော်) اتا کشور هسه کهآسیایِ شرقیجنوب وَر دره. اینتا کشور همساینون نومبنگلادش،هند،چین،تایلند ولائوس هسته. اینتا کشورآندامان دریا کرانه دره.
برمه‌یِ کشورِ گتی ۶۷۶۵۵۲ کیلومتر موربع هسه و ونه جمعیت ۵/۴۶ میلیون نفر هسه. برمه نیشتِگا نومرانگون هسه. میانمارِ مردمبرمه‌یی‌زوون ره گپ زننه و ویشتربودایی دین ره په‌روو هسنه. ۶۸ درصد میانماریون برمه‌ای‌تبار، ۹ درصد شان، ۷ درصد کارن و بقیه دیگه اقوام جه هستنه. ۸۹ درصد بودایی، ۴ درصد مسیحی، ۴ درصد مسلمان و ۱ درصد هندو هستنه. حدود هشتاد درصد مردمون هم بخوندستن و بنویشتن ِسواد ره دارنه.
میانمار، قدیمبریتانیا کولونی بی‌یه و سال ۱۹۴۸ استقلال پیدا هاکرده. اون گادِر تاسا خله جنگون و درگیریون کشور دله پیش بمو. برمه میون سال‌های ۱۹۶۲ تا ۲۰۱۱ اتا کودتایی حکومِت دَس دَیّه اما سال ۲۰۱۲ این نظامی رژیم رسماً توم بیّه و اتا نیمه‌نظامی جایگزین بیّه که ات رشته دموکراتیک اصلاحات پیش بیارده و سال ۲۰۱۵ انتخابات بی‌یشتنه و نظامیون حکومِت جه کم-کم کناره بَییتنه.
آنگ سان سوچی، ژنرال سان ِکیجا، سال ۱۹۸۸ جه این کشور ِسیاست دله نقش دانّه. وه اوایل بازداشت بیّه.پارلمونی انتخابات سال ۱۹۹۰ دله، در حالیکهآنگ سان سوچی بازداشت بی‌یه، برنده بیّه ولی سال ۱۹۹۰ ِانتخابات ره باطل اعلام هاکردنه.
سال ۲۰۱۲ نظامی رژیم رسماً توم بیّه و اتا نیمه‌نظامی جایگزین بیّه که ات رشته دموکراتیک اصلاحات پیش بیارده و سال ۲۰۱۵ انتخابات بی‌یشتنه و نظامیون حکومِت جه کم-کم کناره بَییتنه. ولی سال ۲۰۲۱ ائی میانمار دله کودتا بیّه؛ تاتماداو (نظامیون ستاد) قدرت ره بیتنه و آنگ سات سوچی زندان دکته. از اون گدر تاسا میانمار دله‌یی جنگ جه درگیره. اوائل سال ۲۰۲۴، شورشیون پیروزی‌هایی کسب هاکردنه و تاتماداو ره چن جا شکست هدانه.
میانمار دله اتی مسلمون دَرنه که راخنیا منطقه دله زندگی کانّه. وشون سال‌هابوداییون دَس بکوشته وانّه و اذیت وینّه. میانمار ِبعضی رییس‌جمهورون بارها اعلام هاکردنه که مسلمون‌ها این کشور ِآدِم نینه.[۱][۲] فقط تا سال ۱۳۹۱ بین شیش تا هشت میلیون مسلمون این کشور جه اخراج بَیینه.[۳]
.svg)
