فیسبوک (انگلیسی جه:facebook) شرکت ساجندۀ وب‌گاه فیسبوک هسته که ۴ فوریه ۲۰۰۴ بساته بَیی‌یه.[۱]از اجتماعی شبکه‌ئون مجازی جه هسته که ونجه بنشنه با شه رفخون که فیسبوک دله کاروری حساب دارنه عکس، فیلم یا پیغوم اشتراک بی‌یشتن. فیسبوک اسا مفتکی تموم جهون سَره وجود داینه.
فیسبوک وب‌گاه ویشته از هشتصد میلیون کارور دانّه و اسا به ۴۰ زوون[۱۳]، قابل دسترس هسته و ونه ۷۰ درصد کارورون خارج ازموتحده ایالات درنه.[۱۴]
فیسبوک محیط در واقع مجلسی از رفخون و آشنایون اتا کارور به‌شمار شونه. فیسبوک با ارائه امکان عضوگیری با تعداد بالا، شه کارورون ره اجازه دنه تا هر لحظه جدید رفخ بَییرن.[۱۵]
فیسبوک کارورون اتا شخصی صفحه هم دارنه. بنشنه گروه بساجن و یا دیگه گروه‌ئون دله عضو بوون. کارورون بتونّه شه وسّهآلبوم بساجن و افرادی ره شه رفخون لیست سَره بی‌یلن.[۱۶]
کارورون بتونّه اتا هنرمند یا اتا وب‌گاه و یاوبلاگ وسّه و حتی اتا وسیله که ساجنّه سَره صفحه سِوائونه طراحی هاکنن تا دیگرون هم ونه صفحات دله عضو بوون و شه پیشنهادها و انتقادون ره ارائه هاکنن.[۱۶]
فیسبوک کارورون شمه وسّه پنج گروه دله طبقه‌بندی وونه؛ رفخون، رفخون ِرفخون، اعضای هم‌شبکه، غریبه‌ئون و کارورونی که احیاناً دَوستنی(بلاک هاکردنی).[۱۴]
فیسبوک نرم‌افزارها، جانبی ابزارون خاص و آنلاین ِبازی‌ئون مختلفی دانّه که کارور بتونده با توجه به شه نیازون وشون جه استفاده هاکنه.[۱۴]
دانشگاه الازهر مصر، اعلام هاکرده که فیسبوک جه استفاده هاکردن مسلمونا وسّهحرامه. وشون شه دلیل صدور فتوا ره از بین بوردن خانواده‌ها اعلام هاکرده. وشون معتقدنه که فیسبوک یَتا از دلایل فروپاشی خانواده‌ها هسته.[۱۷][۱۸]
| سال | سود | ویشته بیّن |
|---|
| ۲۰۰۶ | ۵۲ میلیون دلار | -- |
| ۲۰۰۷ | ۱۵۰ میلیون دلار | ۱۸۸٪ |
| ۲۰۰۸ | ۲۸۰ میلیون دلار | ۸۷٪ |
| ۲۰۰۹ | ۷۷۵ میلیون دلار | ۱۷۷٪ |
| ۲۰۱۰ | ۲۰۰۰ میلیون دلار | ۱۵۸٪ [۱۹] |
.svg){kind=logo}
