نسوجریج کره(فارسی جه: کره شمالی) بیاشمالی کره (북한) که ونه رسمی نومکره‌یِ خلقِ دموکراتیکِ جمهوری (조선민주주의인민공화국) هسته، کشوری هسته کهکره جزیره مونایِ شمال و آسیای ِشرق قرار دارنه. ونه نیشتنگا و گتترین شهر نومپیونگ‌یانگ هسته. این کشور جنوب جهجنوبی کره و شمال جهچین وروسیه ره هم‌سامون وانه.
شمالی کره جمعیت ۲۴ میلیون نفر و ونه زوونکره‌ای هسته. ونه مردمون ۶۴ درصد بی‌دین، ۱۶ درصدشمنیسم، ۱۳ درصدچئوندوی، و ۴٫۵ درصدبودایی هستنه.
کره‌یِ خلقِ ارتش دنیا دله چارمین گتِ ارتش هسته و ۱٫۲۱ میلیون خدمه مسلح دانّه چون ۲۰٪ مردان ۱۷–۵۴ ساله ونه دله عضو هستنه و به ازای هر ۲۵ نفر اتا سرباز دارنه. وشون هسته‌یی آزمایشات و موشکی کارون وسّه معروف هستنه و این سلاحون جه دائماًجنوبی کره وآمریکا ره تهدید کانّه.
شمالی کره دلهمیلادی تقویم رسمی نی‌یه و سالون ِمبدا کیم ایل-سونگِ تولد هستنه.[۲]
کره‌یِ دِتا کشور شو؛ شمالی کره دله شو هچکی اجازه ندارنه برق روشِن هاکنه.[۳]
شمالی کره دله تمومِ آدمونِ حقوق ات‌قایده هسته. مثلاً سال ۱۳۸۹ هر نفر معادل چهل‌وهشت هزار تِمِن در ماه حقوق گیته.[۴]
اون گادر کهشوروی رِقِد بورده تاسا شمالی کره‌یِ مردمون همیشک خِراک وسّه مشکل دارنه. دهه ۹۰ میلادیقحطی اقلاً ۱ میلیون نفر ره بکاشته. حدود یک سوم زنان و وچون سوءتغذیه دارنه.[۵][۶] گرچه زنان و مردان ِحقوق اغلب برابری کانده.[۷]
هر سال دِ ماه اتا جشنواره یلنه که ورزشکارون و سِماکَرون ونه دله نمایش دِنّه. این پرخرج ِمراسم رییس‌جمهورون و رؤسایِ تشکر وسّه برگزار وانه.[۱۴]
حدود سه میلیون و پونصد هزار نفر این کشور دله اعدام بَینه. خِراک جا بدائن یا خارج جه تماس بَیتن تونده اعدام ره باعث بَوو. بعضی گادِر استادیوم دله اعدام یلنه که مردم جمع بوون و وه ره هارشِن.
صِوی شیپور و بلندگو جه مَیّن وانه که مردم چه ساعتی ونه هِرِستِن و شو برق قطع بیّه، همه ونه بخاسِن.
مردمِ لباس ونه ات‌جور بائه و امنیتی نیروئون مُخبر هستنه که هچکی جور دیگه لباس نکانه.
رییس‌جمهور نوم واری نَوِنه کشور دله دَوائه و هرکی رییس‌جمهور نوم ره داره، ونه شه نوم ره عوض هاکنه.[۱۵]
دوربین فیلمبرداری و عکاسی این کشور دله ممنوع هسته.[۱۶]
زندونیون ره وَرنه کار اجباری وسّه و وشون خانواده‌ئون ره هم وشون همراه وَرنه.[۱۷]
↑North Korea. The American Heritage® Dictionary of the English Language, Fourth Edition, Houghton Mifflin Company, 2004.http://www.answers.com/topic/north-korea, accessed September 25, 2012.
↑. صص. http://www.khabaronline.ir/detail/۶۹۷۲۲.تاریخ وارد شده در|بازیابی= را بررسی کنید (کمک);پارامتر|عنوان= یا |title= ناموجود یا خالی (کمک);پارامتر|تاریخ بازیابی= نیاز به وارد کردن|پیوند= دارد (کمک)
.svg)
