باستان شناسی بقایا سِراق دِنّه که اولین گروه مردمونی که بریتانیا جزایر دله زندگی کردنه شکارچی بینه ویخبندون عصر توم بئی په ونه دله زندگی کردنه. این تاریخ ِگادِر نشناسی هسه: ظاهراً هشت هزار تا پنج هزار سال ماقبل میلاد. وشونمیون سنگی گادِر چویی و سنگی مقبره بساتنه.استون‌هنج بین سه هزار تا پنج هزار ماقبل میلاد بسات بیه.[۷] بعدنسلتی قبیله‌ئون اروپای اصلی زمین جا بمونه. بریتانیا اتا متغیر مجموعه قبیله ای مناطق جا بدون اتا گت رهبر بی یه. ژولیوس سزار سعی هکرده جزیره ره ۵۵ ماقبل میلاد دله تصرف هکنه ولی موفق نیه. رومی یون نهایت دله ۴۳ میلادی دله موفق بینه بریتانیا ره تصرف هکنن.[۸]
تاریخ وقتی شروع بونه که اتا بنویشت ثبت بوو و بنویشتن ره خله چیزون دسوری رومیون بریتانیا ره بی‌یاردنه.رومیون ۴۴ میلادی جا تا ۴۱۰ میلادی بریتانیای دله حکومت هکردنه، اما وشون فقطولز وانگلستان ره مسلط بینه. رومیون هیچ وقتاسکاتلند وایرلند دله حکومت نکردنه. وشون شمالی سامون همیشه متغیر بی‌یه و اتا مدت سرهادریان دیوار جا مشخص بیه.
بعد از اتا طولانی دوره که انگلستان و بقیه‌ی بریتانیاییون چنتا سیوا پادشاهی جا تشکیل بئی بی‌یه. نهایتاًاتلستن ۹۴۵ میلادی دله ایرلند ره بییته. انگلستان و ولز توسطادوارد اول زور جا قرن ۱۳ میلادی دله متحد بینه. این اتحادیهبریتانیای عنوان جا بشناسی بیه.
اسکاتلند جا اتحاد درتر صورت بیته. چند صد سال دتا کشور میون مناقشه دیه. این اتحادگت بریتانیای عنوان جا بشناسی بیه. ۱۶۰۳ دله موقعی کهملکهالیزابت اول بمرده، ونه نزیک ترین کس خش شاهجیمز شیشم بی یه. وه اسکاتلند شاه بیه و همزمان انگلستان شاه هم بیه. اما دتا کشور سیوا بمونسنه. ۱۷۰۷ میلادی دله انگستان و اسکاتلند پارلمانون اتحاد پیمان ره تصویب هکردنه. وقتی دتا کشور متحد بینه جدید کشورگت بریتانیای پادشاهی بخونس بیه.
ملکه الیزابت ۱۹۵۲ جا تا ٢٠٢٢ سلطنت کرده.
۱۸۰۰ دلهایرلند گت بریتانیای پادشاهی جا متحد بیه و جدید کشورگت بریتانیا و ایرلند متحده پادشاهی بخونس بیه. ۱۹۲۲ دله ایرلند تحت عنوانایرلند آزاد کشور (اساایرلند بخونس بونه) متحده پادشاهی جا سیوا بیه. اگرچه شیش تا شمالی استان (کهشمالی ایرلند بخونس بیه) اتا بخش بریتانیای جا بمونسه. وهگت بریتانیا و شمالی ایرلند پادشاهی نوم بئشت بیه.
امروزه بریتانیای مردم توسطپارلمان اداره بوننه نا توسط فرمونروائون. پازلمان هزار سال پیش جا فرمونروا ره مشاوره دا، اما هیفدهم قزن دله وهچارلز اول ره انگلیس داخلی جنگ دله شکست هدا و قدرت ره برسیه.الیور کرامول محافظ ارباب بیه. هر چند سلطنت بعد از ونه مرگ دباره مستقر بیه، اما قدرت دوم و پارلمان اول بیه. پارلمان اعضا مردم منتخب بینه، اما تا قرن بیستم اوایل فقط مردون رای حق داشتنه. نوزدهم قرن دله خله مردم حق رای بیتنه، اما این حال جا، تا ۱۹۰۰، زنائون نتونسنه رای هدن و فقط ۴۰٪ مردون کافی ثروت رای هدائن سر داشتنه. اما ۱۹۲۸ دله همه بالغ افراد، چه مرد و چه زنا، حق رای بیتنه.
پارلمان لندن دله دره اما ونه قدرت تموم متحده پادشاهی شه‌نه. امروزه ولز، اسکاتلند و شمالی ایرلند هر کمین شه سر پارلمان دارننه، اما وشون قدرت محدود هسه. همین اتیمان جزیره ومانش جزایر هم شه سر پارلمان دارننه که وشون اتی امور توسط متحده پادشاهی و اتی توسط وشون شه اداره بونه.
پارلمان نمایندگونسیاسی احزاب عضو هسنه. گت ترین احزاب کارگر حزب، محافظه کار حزب و لیبرال دمکرات حزب هسنه. حزبی که نصف کرسی ئون ره دارنه (اکثریت ره دارنه) دولت ره تشکیل دنه؛ و اون حزب رهبرنخست وزیر بونه، کسی که وزیرون ره منصوب کننه. چون دولت اکثریت ره پارلمان دله دارنه توننه وه ره کنترل هکنه و قوانین ره تصویب هکنه.
گت زوونونی که به غیر از انگلیسی (رسمی زوون)[۹] متحده پادشاهی دله صحبت بونه شامل: لهستانی (۵۰۰هزار نفر)، شرقی پنجابی یا پونجابی (۴۷۱هزار نفر)، بنگالی (۴۰۰هزار نفر)، اردو (۴۰۰هزار نفر)، کانتونی (۳۰۰هزار نفر)، یونانی (۲۰۰ هزار نفر) و کارئیب جنوبغربی انگلیسی کریول زوونون (۱۷۰هزار نفر) هسنه.[۱۰]
متحده پادشاهی اروپای شمال شرقی دله قرار بیته. ونه اطراف شمال دریا، انگلیس کانال و اطلس اقیانوس درننه. متحده پادشاهی سرزمینونی ره غیرمستقیم تحت شه سلطه دارنه که عمدتا جزیره ای هسنه وفرادریایی سرزمینون بخونس بوننه. وشون بریتانیای گت امپراتوری باقی بمونس هسنه. بریتانیای اووهوا متغیر و غیر قابل پیش بینی هسه. تابستون نسبتا گرم هسه، زمستون خنک تا سرد هسه. وارش سال طول دله ویشتر غرب و شرق دله وارنه.
متحده پادشاهی اتاپارلمانی دموکراسی،مشروطه وموروثی سلطنت جا هسه. مردم، متحده پادشاهی دله پارلمان نمایندگون ره رای دنه تا وشون، وشون سر قوانین رو بحث و وضع هکنن. ملکهالیزابت دوم متحده پادشاهیملکه وکشور رئیس هسه. هرچند که وه کشور رئیس هسه اما اجرایی قدرت نارنه.دولت توسطنخست وزیر تشکیل بونه، که کشور ره ادراه کننه وسیاستون ره وضع کننه. نخست وزیر ره گت‌ترین حزب انتخاب کانده که اساکانسرواتیسم ِحزب هسته.
پارلمان قوانین ره وضع کننه. وه سه‌تا چلّه دارنه:عوام مجلس،اعیان مجلس و ملکه. عوام مجلس مهم ترین بخش هسه. وه جایی هسه که پارلمان اعضا نیشتنه. نخست وزیر هم نیشته، چون وه هم اتا پارلمان عضو هسه. مردمی که اعیان مجلس دله نیشتنهلرد بخونس بوننه. وشون توسط مردم انتخاب نبوننه. ویشتر لردون توسط دولت منصوب بوننه. اتی هم موروثی لرد هسنه (وشون پر لرد بینه)؛ و اتاکمه انگلیس کلیسایاسقفون وقاضی ئون (قضایی اربابون) هسه. فقط ۹۲ موروثی لرد انتخابی هسنه، وشون توسط اتا موروثی لردون گت جمع انتخاب بوننه.
اسکاتلند شه پارلمان ره دارنه که آموزش و بهداشت دسوری امور دله قانون النه. شمالی ایرلند و ولز هم شه مجلس ره دارننه که وشون قدرت اسکاتلند پارلمان توم کمتر هسه. بریتانیای پارلمان مستقل هسه اما دولت توننه وه ره هرلحضه که خانه منحل هکنه.
بریتانیا اتا ارتش دارنه که ونه استعداد بدون احتاسب ذخیره نیروئون تقریبا ۲۲۰هزار نفر هسه. متحده پادشاهی اتا از پیشرفته ترین ارتشون ره جهان دله دارنه. وه متحده ایالات پلی اتا قابل توجه دریایی نیرو و هوایی نیرو دارنه. قرن هیجدهم جا قرن بیستم اویل جا متحده پادشاهی قوی ترین کشور دنیای دله بی یه. اما این قدرت متحده پادشاهی دله کاهش پیدا هکرده. متحده پادشاهی اتا دائمی عضو متحد ملل سازمان امنیت شورای دله هسه.
متحده پادشاهی اتاپیشرفته کشور و پنجمین گتاقتصاد، دنیای دله هسه.[۱۲] وه اتاابرقدرت قرون ۱۸،۱۹و۲۰ اوایل دله بی یه. وه سال ۱۸۰۰ جا اتا بانفوذ کشور سیاست، اقتصاد (اون زمان دنیای ثروتمندترین کشور بی یه) و نظامیگری عرصه ئون دله بی یه. بریتانیا دنیای گت ترین تولیدی اقتصاد تا ۱۹۰۸ و دنیای گت ترین اقتصاد تا ۱۹۲۰ دهه بی یه. دتا جهانی جنگ هزینه ئون وبریتانیای امپراتوری سقوط باعث بیه تا متحده پادشاهی شه پیشرو نقش ره دنیای دله از دست هده. متحده پادشاهی حللا اتا گت اقتصادی، فرهنگی، نظامی، سیاسی نفوذ دارنه و اتاهسته ای قدرت هسه. وهاروپای اتحادیه عضو هسه. وه اتا دائم کرسیمتحد ملل سازمانامنیت شورای دله دارنه و همین اتیجی۸،ناتو،جهانی تجارت سازمان وهمسود کشورون اتحادیه عضو هسه.
انگلستان، شمالی ایرلند، اسکاتلند و ولز سیوا و شبیه آموزش سیستم دارننه. وشون اتا عمومی آموزش دارننه که بین سن ۵ تا ۱۸ سالگی اجباری هسه. اکثریت وچون دولتی مدرسه ئون دله تحصیل کننه ولی اتاکمه هم خصوصی مدرسه ئون دله تحصیل کننه.
جاده ای شبکهگت بریتانیای دله وسیع هسه. ویشتر محلی و روستایی جاده ئون رومی ئون و وسطای دورون جا تا اسا تکامل پیدا هکردنه. اصلی جاده ئون قرن بیستم اواسط دله موتوری ماشینون جا سازگار بینه.شاهراهون ۱۹۶۰ و ۱۹۷۰ دهه ئوه دله بسات بیه و گت شهرون ره همدیگر ره وصل هکرده.
ریلی حمل و نقل انگلستان دله اختراع بیه و متحده پادشاهی قدیمی ترینراه آهن شبکه ره دنیای دله دارنه. ویشتر وشون ویکتوریای دوره بسات بیه. شبکه قبل دله پنج اصلی در راه دره لندن ره پنج تا گت شهر ره وصل کننه. جدیدترین بخش شبکه جا لندن ره سنت پانکراس ایستگاه جا تونل کانال ره وصل کننه. اتا بخش این شبکه جا خصوصی بیه.
ویشترهوایی حمل و نقل متحده پادشاهی دله بین لندن و گت شهرون اسکاتلند دله و انگلستان شمال جا هسه. لندن-هیثرو فرودگاه کشور گت ترین فرودگاه و اتا گت فرودگاه جهان دله هسه. دیگه گت فرودگاهون بین المللی جایگاه جا شامل لندن-گاتویک، بیرمنگام، منچستر و گلاسگوی فرودگاه هسنه.
اتا پیشرفتهقایقرانی شبکه بین اسکاتلند جزیره ئون، ولز و ایرلند جمهوری و انگلستان و فرانسه دره.
.svg)
.svg)
.svg)
.svg)
.svg)
