پیش از سدهئون میونی،رومی شائون اتریش رهنوریکوم گاتِنه. اتریش خله سال شه وسّه سِوا سیاسی هویت که مستقل بائه، نِداشته و سدهئون میونی گادِرروم مقدس امپراتوری دله دَیّه.
آخرای ِقرن ۱۳رودلف هاپسبورگ اِسایی اتریش ره بَییته وهابسبورگ ِخاندان این زمون جه تا قرن بیستم میلادی اتریش سَر حکومِت کاردنه. سال ۱۸۰۶ که روم امپراتوری رِقِد بورده، اتریش ِامپراتوری ره بساتِنه. سال ۱۸۶۷ اتا متحد امپراتوریاتریش-مجارستون ِنوم جه بساته بَیّه کهجهونی جنگ اول په، تیکه-تیکه بَیییه.
سال ۱۹۳۳انگلبرت دولفوس اتا حکومت رهفاشیست ِنظریات جه بِساته و سال ۱۹۳۸هیتلر این کشور رهآلمان ِسامون دله قِرار هِدا.جهونی جنگ دوم که تموم بَیّه اتریش رهمتفقون بَییتنه و ۱۹۵۵ جه اتا جمهوری بساته بَیّه که هَنتا دَرکار کانده.
اتریش جهون دله ۱۲اُمین ثروتمند ِکشور هسته که ونهدلهیی ناخالص تولید زیاد هَسته. تا دهه ۱۹۸۰ اتریش ِگت ِصنایع ویشته ملّی بَیینه ولی اسا کمکمخصوصیسازی این کشور دله دَر رشد کانده.
کارگری جنبش اتریش دله خله قدرت دانّه و ونه تأثیر کارگری حزبون سَر زیاده. بینالمللیتوریسم اتریش ِملی اقتصاد ِمهمترین بخش هسته.
آلمان اتریش ِمهمترین تجاری هِمباز (= شریک) هسته که باعث وانه اتریش اقتصاد هر گادِر آلمان ضعیف بَواشه، رِقِد بوره.[۱]
این کشور ِجمعیت سال ۲۰۰۷ میلادی ۸٫۳۱۵٫۰۰۰ نفر بییه. اتریش ِمردمون ویشتهآلمانی جه گَپ زَنّه و ۹۸٪ آلمانی هَستنه و این زوون اتریشِرسمی زوون هَسته ولی بعضی ایالات دلهاسلوونیایی،کرواتی ومجاری هم رسمی هَستنه.
در سال ٢٠٠٢ میلادی اتریش ِجمعیت ِ۷۴٫۱٪کاتولیک و ۴٫۶٪پروتستان بینه که این کشور ِرسمی ادیان هَستنه.
.svg)
