- ၁ ဇန်နဝါရီ – ရန်ကုန်မြို့၊ ဆူးလေဘုရားလမ်းရှိ တရားလွှတ်တော်ရုံးချုပ်၏ အလံတိုင်တွင် သုံးရောင်ခြယ်ကဒေါင်းအလံ လွှင့်တင်မှု ဖြစ်ပွား။
- ၈ ဇန်နဝါရီ - ဒီမိုကရေစီပညာရေးလှုပ်ရှားမှုဦးဆောင်ကော်မတီ (ACDE) မှ တောင်းဆိုချက် ၁၁ ရပ် ထုတ်ပြန်။
- ၁၃ ဇန်နဝါရီ – ၂၀၁၅ ခုနှစ် ဇန်နဝါရီလ (၁၃) ရက်နေ့တွင် ကျင်းပသော ပြည်ထောင်စုမြန်မာနိုင်ငံတော်အစည်းအဝေး (၂/၂၀၁၅) ၏ ဆုံးဖြတ်ချက်အရ ရေကြောင်းပညာသိပ္ပံမှမြန်မာနိုင်ငံကုန်သွယ်ရေကြောင်းကောလိပ်အဆင့်သို့ အဆင့်မြှင့် ဖွင့်လှစ်ခဲ့သည်။
- ၂၀ ဇန်နဝါရီ – ဒီမိုကရေစီပညာရေးပင်မကျောင်းသားသပိတ်စစ်ကြောင်း မန္တလေးအိမ်တော်ရာဘုရားမှ စတင်ထွက်ခွာ။ ထားဝယ်သပိတ်စစ်ကြောင်း လောကမာရဇိန်ဘုရားမှ စတင်ထွက်ခွာ။
- ၂၅ ဇန်နဝါရီ – ဧရာဝတီသပိတ်စစ်ကြောင်း စတင်။
- ၂၆ ဇန်နဝါရီ – သမဂ္ဂအသီးသီးမှ သပိတ်စစ်ကြောင်းများ ခွဲထွက်ကာ တိုက်ပွဲဝင်မည့်အကြောင်း ကြေညာ။
- ၂၇ ဇန်နဝါရီ – ပခုက္ကူလှုပ်ရှားမှု စတင်။
- ၂၈ ဇန်နဝါရီ –တောင်သာတွင် ပင်မသပိတ်စစ်ကြောင်း တားဆီးပိတ်ဆို့ခံရ။ ပညာရေးဝန်ကြီးဌာနမှ လေးပွင့်ဆိုင်ဆွေးနွေးပွဲ ပြုလုပ်မည်ဟု ကတိပြုပြောကြား။
- ၁ ဖေဖော်ဝါရီ – လေးပွင့်ဆိုင်ဆွေးနွေးပွဲ ရန်ကုန်တက္ကသိုလ် စိန်ရတုခန်းမတွင် ပြုလုပ်။
- ၃ ဖေဖော်ဝါရီ – လေးပွင့်ဆိုင်ဆွေးနွေးပွဲ ရပ်ဆိုင်း။
- ၆ ဖေဖော်ဝါရီ – မုံရွာ (တကသ) လှုပ်ရှားမှု ပြုလုပ်။
- ၇ ဖေဖော်ဝါရီ – မြေလတ်စစ်ကြောင်း (ပခုက္ကူစစ်ကြောင်း) စတင်။
- ၉ ဖေဖော်ဝါရီ – ပြည်မြို့အဝင် ယုန်ဖြူတောင်တွင် ပင်မသပိတ်စစ်ကြောင်း တားဆီးပိတ်ဆို့ခံရ။
- ၁၁ ဖေဖော်ဝါရီ – လေးပွင့်ဆိုင်ဆွေးနွေးပွဲ နေပြည်တော်တွင် ပြန်လည်ပြုလုပ်။ ပူးတွဲထုတ်ပြန်ချက် ထုတ်ပြန်။
- ၂၀ ဖေဖော်ဝါရီ – ရွှေပြည်သာ အလုပ်သမားသပိတ် တားဆီးဖြိုခွင်းခံရ။
- ၂၂ ဖေဖော်ဝါရီ – ပြင်ဆင်သည့် ဥပဒေမူကြမ်းကို ဦးဆောင်ကော်မတီမှ အရပ်ဖက်အဖွဲ့အစည်းများနှင့် ဆွေးနွေး။
- ၂၇ ဖေဖော်ဝါရီ – ဗကသ CWC နှင့် ပြည်သူ့လွှတ်တော်ဥက္ကဋ္ဌ တွေ့ဆုံဆွေးနွေး။
- ၂၈ ဖေဖော်ဝါရီ – ဘုံဘဝမှာဖြင့် စာအုပ်ကို ရေးသားခဲ့သူ ဝါရင့်နိုင်ငံရေးသမားဟောင်းကြီး သခင်တင်မြ အသက် (၉၁) နှစ်အရွယ်တွင် ကွယ်လွန်။
- ၂ မတ် – ပင်မသပိတ်စစ်ကြောင်းမှ သတင်းစာရှင်းလင်းပွဲ ပြုလုပ်၊ တောင်းဆိုချက် ထုတ်ပြန်။
- ၃ မတ် – ပင်မသပိတ်စစ်ကြောင်းလက်ပံတန်း တွင် ပိတ်ဆို့တားဆီးခံရ။
- ၅ မတ် –လက်ပံတန်း တွင် ပိတ်ဆို့တားဆီးခံထားရသော ဒီမိုကရေစီပညာရေး ပင်မကျောင်းသားသပိတ်စစ်ကြောင်းအား ထောက်ခံကြောင်းရန်ကုန်မြို့၊ဆူးလေဘုရားလမ်း တွင် ဆန္ဒပြနေစဉ် ရဲတပ်ဖွဲ့နှင့် စွမ်းအားရှင်များ၏ အင်အားသုံးဖြိုခွင်းခံရကာ ဆန္ဒပြ ကျောင်းသားတချို့နှင့် ၈၈ မျိုးဆက်အဖွဲ့ဝင်များ ဖမ်းဆီးခံရ၊ နောက်တစ်ရက်တွင် အားလုံး ပြန်လည်လွတ်မြောက်။
- ၁၀ မတ် –လက်ပံတန်း တွင် ပိတ်ဆို့တားဆီးခံထားရသော ဒီမိုကရေစီပညာရေး ပင်မကျောင်းသားသပိတ်စစ်ကြောင်း အကြမ်းဖက်ရိုက်နှက်ဖြိုခွင်းခံရ။ ယင်းနေ့ ညနေပိုင်းတွင် ပင်မသပိတ်စစ်ကြောင်းဖြိုခွင်းခံရမှုကို ဆန့်ကျင်ကန့်ကွက်သောရန်ကုန်မြို့၊ကမာရွတ်မြို့နယ်၊ လှည်းတန်းလမ်းဆုံ ရှိ ကျောင်းသားသပိတ်စစ်ကြောင်း တားဆီးပိတ်ဆို့ခံရ၊ နှစ်ဦးနှစ်ဖက်ညှိနှိုင်းကြကာ သပိတ်ရပ်ဆိုင်းခဲ့။
- တောင်သာ ဓာတ်ငွေ့ဖြန့်ဖြူးရေးစခန်းကို ၂၀၁၅ ခုနှစ်၊ ဧပြီလတွင် စတင်လည်ပတ်ခဲ့သည်။[၁]
