Passado bárias tentatibas d'outras cumpanhas, l purmeiroVTR que logrou, lAmpex VRX-1000, fui antroduzido an 1956, pulaAmpex Corporation. Cul sou précio de US$ 50,000 an 1956, i US$ 300 por ua fita de 90 minutos, este staba buoltado solo para mercado profissional.[1]
Kenjiro Takayanagi, un pioneiro de radiodifuson de telebison que trabalhaba pa la JVC cumo sou bice persidente, biu nesso la necidade de sue cumpanha porduzir VTRs pa l mercado japonés por un précio mais acessible. An 1959, la JVC zambolbiu un VTR de dues cabeças i, de 1960 an delantre, ua berson quelorida de l mesmo para radiodifuson profissional.[2]
An 1969, la JVC colaborou culaSony Corporation i la Matsushita Eiletric (la Matsushita era ua cumpanha armana de laPanasonic, i agora ye coincida por esse nome, sendo tamien acionista de la JVC até 2008) na custruçon dun padron de grabaçon de bídeo pa l cunsumidor japonés. A ounion d'ambas, porduziu l formatoU-matic an1971, que fui l purmeiro formato a tornar-se un padron unificado. L U-matic fui un sucesso ne ls an negócios i alguns aplicatibos de trasmisson (tal cumo cumo l recebimiento d'amboras eiletrónicas), mas debido sou précio i scasso spácio para grabaçon, pouquíssemas máquinas fúrun bendidas para uso doméstico.
Lhougo depuis, la Sony i la Matsushita acabórun cula parcerie, cul oubjetibo de trabalhar an sous própios formatos de grabaçon. La Sony ampeçou a zambolber lBetamax, anquanto la Matsushita, ampeçou a trabalhar ne lVX. La JVC lhançou l CR-6060 an 1975, se baseando ne l formato de l U-Matic. An cuntrapartida, la Sony i la Matsushita tamien porduziran ls sous formatos de l U-matic.
An 1974, l Menistério de l Comércio i de la Andustria Anternacional japonés, cul antuito d'eibitar la cunfuson pul cunsumidor, tentou forçar l'andustria japonesa de bídeo a padronizar un único formato de grabaçon caseira. Mais tarde, la Sony habie un protótipo funcional de l formato Betamax, i staba mui próssima de finalizar sou perduto. Cun este protótipo, la Sony persuadiu l MCII a adotar l formato Betamax, anquanto la JVC tentou cumbencer outras cumpanhas.
