An23 d'outubre (outubre ne l calendario deilhes) de1523, Naciu l Thiago que nomeia Cortés capitan dua nuoba spediçon para recoincer tierras mexicanas. La spediçon salida d'ilha de Cuba an18 de febreiro de1519, chega a l'ilha deCozumel – amportante porto marítimo i relegioso maia – an27 de febreiro de 1519[8]. Local adonde tubírun un de ls purmeiros cuntatos culs pobos andígenas, i tamien adonde Cortés ancontraGerónimo de Aguilar, padre franciscano subrebibente dun afogamiento spanhol que se tornou antérprete maia-spanhol de Cortés[9].
La spediçon cuntina, até chegar al riuTabasco, batizado cumoriu Grijalba[10], próssimo a la cidade dePotonchán. Alhá ancontrórun resisténcia andígena, la qual suscitou laBatailha de Centla. Passado tal batailha i la bitória de ls spanholes, las outoridades de Tabasco ouferecírun persentes la Cortés cumo jóias, tecidos, eiguaries i mulhieres andígenas[11]. Antre estas mulhieres stabaLa Malinche, batizada cumo Marina ó De lñla Marina que benerie a ser ua figura amportante i cuntrobersa na Cunquista de l México pul sou coincimiento de ls questumes i riquezas de l Ampério Asteca, de la léngua Maia iNahuatl, serbindo cumo anterprete i cunselheira, para alhá d'amante de Heirnán Cortés, cun quien tubo un filho, Martín Cortés.
An abril de 1519, la spediçon chegou la Bera Cruç, adonde pouco depuis Heirnán Cortés fondou la Billa Rica de la Bera Cruç, an Chalchicuecan, junto al atual porto. An júlio de l mesmo anho, tomou Bera Cruç, zbinculando-se de l gobernador de Cuba i colocando-se diretamente sob las ordes de l rei Carlos B. An Bera Cruç, Cortés ampeça a recebir ls mensageiros de Montezuma[12]. Lougo Cortés percebiu que l Ampério Asteca possuía atritos cun outros pobos mesoamericanos; ampeçou anton a eilaborar stratégias i fazer alianças culs pobos ribales cumo ls totonacas, pobo cun capital an Cempoala, cidade la qual partiran para selar l'aliança melitar i dar ampeço la cunquista de Tenochtitlan. Cortés tamien fizo aliança culs andígenas de la region de Tlaxcala.
An outubre de 1519, Cortés chega laCholula, segunda maior cidade de l México Central, depuis deTenotchtitlan i aliada de l Ampério Asteca[13]. Segundo las crónicas deBernal Díaç, ua anciana i alguns sacerdotes de l templo de Cholula alertórun Heirnán Cortés subre ua cilada, i eimediatamente el reagiu contra ls andígenas de l'amboscada, causando l que quedou coincido cumo lmassacre de Cholula.
An8 de Nobembre de 1519, l cuntingente de Cortés chega la Tenochtitlan, i lougo l'ancuontro antre Cortés i Montezuma ye rializado. Montezuma acraditaba que Cortés serie l'ambiado deQuetzalcóatl, dius asteca que tenerie finalmente buoltado para bingar-se, por esso l trata bien i aceita sou domínio. Dies depuis de la chegada de ls spanholes, Cortés entra de nuobo an açon i faç de Montezuma presioneiro[14]. Para esso, ten cumo pretesto la muorte de spanholes an Bera Cruç nua batailha antre ls mexicas dirigidos porCuauhpopoca supostamente a mando de Montezuma. Cumo presioneiro, Montezuma declara fidelidade al rei Carlos B.
An maio de1520, Belázqueç ambia ua nuoba spediçon, dessa beç al comando dePánfilo Narbaéç contra la frota de Heirnán Cortés. Al ser anformado subre las tropas de Narbaéç puls mensageiros de Montezuma, l cunquistador spanhol lougo parte cun sous aliados para cumbater ls enimigos recén chegados[15]. Cortés atacou l'acampamiento enimigo i cunseguiu cumbencer ls homes de Narbaéç la se juntáren a el, cun promessas de riquezas i cargos[16]. Narbaéç lougo boltou para Beracruç cul restante de sue tropa. Anquanto esso, an Tenochtitlan, durante l'auséncia de Cortés,Pedro Alborado comandou la massacre de l templo maior cumo cunsequéncia dua rebelion andígena durante la celebraçon de la fiesta detóxcatl[17].
Cortés retornou la Tenochtitlan an24 de júnio de 1520, i cumbenceu Montezuma a tentar apaziguar la rebolta de ls andígenas. Antretanto, anquanto falaba cun sou pobo, Montezuma fui atingido por ua piedra i dies depuis morriu an decorréncia de l ferimiento.
Fuorçados pula situaçon zesperadora i pul crecente númaro de spanholes muortos i feridos, Heirnán Cortés decidiu deixar la cidade de l México na nuite de 30 de júnio de 1520[18], que quedou coincida cumo lanuite triste.
An 8 de júlio de 1520, ls spanholes finalmente chegórun laTlaxcala para se refugiáren i se ourganizáren para atacar Tenochtitlan, i tamien adonde Cortés recebiu reforços cunsidrables de nabios, suldados, artilharie i cabalhos, para cumpensar las perdas ocorridas durante la nuite triste[19]. Ne l final de maio de 1521, la cidade de Tenochtitlan ye sitiada durante 75 dies pulas tropas de Cortés. Passado la catura i muorte de l radadeiro rei astecaCuauhtémoc, la cunquista fui cunsumada.
