Rembrandt Harmenszoon van Rijn (/ˈrɛmbrænt, ˈrɛmbrɑːnt/[1], pronunzja bl-Olandiż: [ˈrɛmbrɑnt ˈɦɑrmə(n)ˌsoːɱ vɑn ˈrɛin]; twieled fil-15 ta' Lulju 1606[2] – miet fl-4 ta' Ottubru 1669), normalment magħruf sempliċement bħalaRembrandt, kien pittur, litografu u disinjaturOlandiż tal-Epoka tad-Deheb Olandiża. Huwa kien innovattiv u prolifiku bi tliet mezzi. Ġeneralment huwa kkunsidrat bħala wieħed mill-ikbar artisti viżivi fl-istorja tal-arti u l-iżjed importanti fl-istorja tal-arti Olandiża.
Għad-differenza tal-biċċa l-kbira tal-artisti importanti Olandiżi tas-seklu 17, ix-xogħlijiet ta' Rembrandt saru b'firxa wiesgħa ta' stili u ta' suġġetti, minn ritratti u awtoritratti għal pajsaġġi, xenarji b'tema, xenarji allegoriċi u storiċi, temiBibbliċi umitoloġiċi, u l-istudji dwar l-annimali. Il-kontributi tiegħu lill-arti waslu f'perjodu ta' ġid kbir u ta' kisbietkulturali li l-istoriċi jsejħu l-Era tad-Deheb Olandiża, metal-arti Olandiża (speċjalment il-pittura Olandiża), filwaqt li kienet antitetika għall-istilBarokk dominanti fl-Ewropa, kienu prolifiċi u innovattivi. Din l-era wasslet għal ġeneri ġodda importanti. Bħal bosta artisti tal-Era tad-Deheb Olandiża, fosthomJan Vermeer, Rembrandt kien jikkollezzjona u jpartat l-arti b'mod akkanit.[3]
Rembrandt qatt ma siefer, iżda kien influwenzat b'mod konsiderevoli mix-xogħol tal-artistiTaljani u Olandiżi li studjaw fl-Italja, bħalPieter Lastman, il-Karavaġġisti ta'Utrecht, il-Barokk Fjamming, uPeter Paul Rubens. Wara li kiseb suċċess meta kien żagħżugħ bħala pittur tar-ritratti, iktar 'il quddiem Rembrandt għadda minn traġedji personali u diffikultajiet finanzjarji. Madankollu l-inċiżjonijiet u l-pitturi tiegħu kienu popolari matul ħajtu kollha, ir-reputazzjoni tiegħu bħala artista baqgħet għolja, u għal għoxrin sena huwa għallem lil bosta pitturi Olandiżi importanti.
Ir-ritratti ta' Rembrandt tal-kontemporanji tiegħu, l-awtoritratti u l-illustrazzjonijiet ta' xeni mill-Bibbja jitqiesu bħala l-aqwa trijonfi kreattivi tiegħu. L-awtoritratti tiegħu jiffurmaw awtobijografija intima. L-ewwel kontribut ta' Rembrandt fl-istorja tal-litografija kienet it-trasformazzjoni tiegħu tal-proċess tal-inċiżjoni minn teknika riproduttiva relattivament ġdida għal forma ta' arti. Ir-reputazzjoni tiegħu bħala l-ikbar inċiżur fl-istorja ġiet stabbilita matul ħajtu. Ftit mill-pitturi tiegħu ħarġu mir-Repubblika Olandiża meta kien ħaj, iżda l-litografiji tiegħu ġew iċċirkolati fl-Ewropa kollha, u r-reputazzjoni tiegħu lil hinn min-Netherlands kienet ibbażata inizjalment fuqhom biss.
Fix-xogħlijiet tiegħu, huwa wera għarfien dwar l-ikonografija klassika. It-turija ta' xena Bibblika kienet infurmata mill-għarfien ta' Rembrandt tat-test speċifiku, mill-assimilazzjoni tiegħu tal-kompożizzjoni klassika, u l-osservazzjonijiet tiegħu tal-popolazzjoniLhudija ta'Amsterdam. Minħabba l-empatija tiegħu għall-kundizzjoniumana, huwa ssejjaħ bħala "wieħed mill-ikbar profeti taċ-ċivilizzazzjoni". L-iskulturFranċiżAuguste Rodin qal, "Tqabbilni ma' Rembrandt! X'sakrileġġ! Ma' Rembrandt, il-monument kolossali tal-arti! Għandna nipprostraw ruħna quddiem Rembrandt u qatt ma nqabblu lil ħadd miegħu!".[4]
Andromeda bil-Ktajjen mal-Blat (1630) –Mauritshuis, Den Haag, in-Netherlands
Jacob de Gheyn III (1632) –Dulwich Picture Gallery,Londra, ir-Renju Unit
Filosfu Jimmedita (1632) –Il-Louvre, Pariġi, Franza
Il-Lezzjoni tal-Anatomija ta' Dr. Nicolaes Tulp (1632) –Mauritshuis, Den Haag
Artemisia (1634) –żejt fuq it-tila, 142 × 152 cm, Museo delPrado,Madrid
Tniżżil mis-Salib (1634) –żejt fuq it-tila, 158 × 117 cm, misruqa mil-Landgrave ta' Hesse-Kassel (jew Hesse-Cassel), il-Ġermanja, fl-1806, attwalment fil-Hermitage,San Pietruburgu, ir-Russja
Il-Festa ta' Belshazzar (1635) –National Gallery, Londra, ir-Renju Unit
L-Iben il-Ħali fit-Taverna (għall-ħabta tal-1635) –żejt fuq it-tila, 161 × 131 cm Gemäldegalerie Alte Meister,Dresden, il-Ġermanja
Danaë (1636 – c. 1643) –Hermitage, San Pietruburgu, ir-Russja
L-Għassa ta' Billejl, formalmentIl-Kumpanija tal-Milizja tal-Kaptan Frans Banning Cocq (1642) –Rijksmuseum, Amsterdam, in-Netherlands
Kristu Jfejjaq il-Morda (inċiżjoni tal-ħabta tal-1643, magħrufa wkoll bħala l-Inċiżjoni tal-Mitt Fjorin), imsemmija hekk għas-somma kbira li tħallset għaliha
Boaz u Ruth (1643), magħrufa wkoll bħalaIr-Rabbi x-Xiħ jew Ir-Raġel ix-Xiħ –Woburn Abbey/Gemaldegalerie,Berlin, il-Ġermanja
Il-Mitħna (1645/48) –National Gallery of Art, Washington, D.C., l-Istati Uniti
Raġel Xiħ b'Katina tad-Deheb (Raġel Xiħ b'Kappell Iswed u b'Gorġiera) (għall-ħabta tal-1631)Art Institute of Chicago, l-Istati Uniti
Susanna u l-Anzjani (1647) –żejt fuq panew, 76 × 91 cm, Gemäldegalerie, Berlin, il-Ġermanja
Ras Kristu (għall-ħabta tal-1648–56) –The Philadelphia Museum of Art, l-Istati Uniti
Aristotli Jikkontempla dwar Bust ta'Omeru (1653) –Metropolitan Museum of Art,New York, l-Istati Uniti
Bathsheba fil-Banju Tagħha (1654) –il-Louvre, Pariġi, Franza
Kristu Ppreżentat lin-Nies (Ecce Homo) (1655) –Drypoint, Birmingham Museum of Art, ir-Renju Unit
Awtoritratt (1658) –il-Kollezzjoni Frick, New York, l-Istati Uniti
It-Tliet Slaleb (1660), inċiżjoni
Ahasuerus u Haman fil-Festa ta' Ester (1660) –il-Mużew ta' Pushkin,Moska, ir-Russja
Il-Konfoffa ta' Claudius Civilis (1661) –Nationalmuseum,Stokkolma (Claudius Civilis mexxa rewwixta kontra r-Rumani) (il-biċċa l-kbira tal-pittura ntilfet, teżisti biss il-parti ċentrali)
Ritratt ta'Dirck van Os (1662) –Joslyn Art Museum, Omaha, Nebraska, l-Istati Uniti
L-Iskizz tad-Difna (għall-ħabta tal-1639, maħduma mill-ġdid għall-ħabta tal-1654) –żejt fuq panew tal-ballut, Hunterian Museum and Art Gallery, Glasgow, l-Iskozja, ir-Renju Unit
Sawl u David (għall-ħabta tal-1660–1665) –Mauritshuis, Den Haag, in-Netherlands
Ritratt ta' Raġel Xiħ (1645) - il-Mużew ta' Calouste Gulbenkian,Liżbona, il-Portugall
^Clark, Kenneth (1969).Civilisation: a personal view. New York: Harper & Row. ISBN978-0-06-010801-4. p. 203.
^Rodin, Auguste:Art: Conversations with Paul Gsell. Translated from the French by Jacques de Caso and Patricia B. Sanders. (Berkeley, CA: University of California Press, 1984) ISBN 0-520-03819-3, p. 85.
