юмнэр. ~ хум хорш., юмны, юманд, юмнаас, юмаар

юм бүхэнд би гэх- биеэ хэтэрхий тоох, биеэрээ гайхуулах

юм олж долоохгүй- а.юу ч болохгүй; б.ашиг хонжоо олохгүй, дэмий, нэмэргүй

юм үзэж, нүд тайлах- олон газраар явж, туршлага, мэдлэг суух

юман чинээ бодохгүй- огт тоохгүй

юманд тоохгүй- а.ямар нэгэн юмыг үл тоох, муу юм санахгүй, бодохгүй байх; б.гүжирмэг байх

долоон жорын юм- янз бүрийн зүйл, есөн шидийн юм

есөн жорын, есөн шидийн юм- янз бүрийн зүйл, элдэв бусын юм

өвчүүний цаагуур юм шидэх- ихэд өлссөн үед юм идэх

сарын юм/биений юм- эмэгтэйчүүдийн сарын тэмдэг

юм атгуулах -хахуульдах~Сувилагч асрагч нар нь бүгд л гарт нь юм атгуулахаар сайхан аашилж, эргэлтийг нь зөөж өгдөг юм байна.

юм олж долоохгүй -(хар яриа) юу ч болохгүй, нэмэргүй~Чи хэдийгээр заргач нэртэй боловч энэ удаа юм олж долоохгүй гэдэгт би ам гарч байна гэж басамжлав.

юм[наа] тоохгүй -хэнэггүй~...залуураа барьсан өвгөн Бух, ...салаа хурдлуулж яваа Гекүү, Үхүү хоёр, эргийн талд тэмтрэн хатгаж яваа Залуудай, ...эрэг мөргүүлэхгүйг хичээж яваа Шонхоолой цөм их аюулаас мултарсандаа хатуужиж, биеийн чилэхийг юмнаа тоохгүй явлаа(Б.Ринчен, Заан залуудай).

юм үзэж, нүд тайлах -олон газраар явах; хол ойр явж туршлага суух~Үгүй, та нар минь гадны хүний дэргэд битгий ингэж юм үзэж, нүд тайлаагүйгээ мэдэгдээрэй(Д.Намдаг, Цаг төрийн үймээн).

юмны эзэн, сумны занги -эрх мэдэл бүхий, эзэн хүн~Эрхбиш юмны эзэн, сумны занги гэсэндээ дарга өөрөө оролцож байж энэ хэрэг шийдээ оллоо(Д.Энхболд, Соёо).

↑долоон жорын юм

↑есөн жорын юм

↑есөн зүйлийн/дээдийн/шидийн /өнгийн/ юм

↑мөрөндөө углах юмгүй

↑олон таван юм

↑өвчүүний цаагуур юм шидэх

↑сэтгэлд нь юм хийх

↑тэнгэрийн оронд очсон юм шиг

Үг дамжихдаа нэмэгддэг

Юм дамжихдаа хорогддог

Юм байгаад идэж чадахгүй

Эд байгаад эдэлж чадахгүй

Юм болгон учиртай

Мод болгон мөчиртэй

Юм болгон учиртай

Сум болгон зангитай

Юм болгон учиртай

Учир бүхэн утгатай

Юм бүдүүндээ дөрвөн талт

Нарийндаа найман талт

Юм нарийн болж

Сум шулуун боллоо

Юм нэгээр дуусдаггүй

Сум нэгээр дайзалдаггүй

Юм нэгээрээ болдоггүй

Дэрс хөхөөрөө болдоггүй

Юм нэгээрээ өнгөрдөггүй

Хүн ганцаараа дуусдаггүй

Юм сурах хэцүү

Мартах амархан

Юм учиртай

Хувин оосортой

Юм учиртай

Мод мөчиртэй

Юм ганцаар дуусдаггүй

Сум нэгээр дайзладаггүй

Тайлбар: эргээд учирна

Юм нарийн болж

Сум шулуун болох

Тайлбар: цагийн байдал бэрх хэцүү болох

Юманд учир

Суманд хичир бий

Тайлбар: юманд учир шалтгаан бий

Юмны түрүүнд

Ажлын адагт (гэгчээр)

Тайлбар: хошуу нэмэх дуртай мөртөө, ажил хэрэг болгохдоо хойш суудаг

Юмны эзэн сумны занги

Тайлбар: эрх мэдэл бүхий, эзэн хүн

Юм сурахад хэцүү

Мартахад амархан

Тайлбар: эрдэм сурахад амар биш