Малиот пескар илималиот свиркач (науч. Charadrius dubius) е мала блатарка која живее во отворени области со чакал во близина на слатки води, вклучувајќи и јами со чакал, острови и крајбрежја на реките воЕвропа и западнаАзија. Оваа птица ја има и воМакедонија.
Возрасните птици имаат сивокафеав грб и крилја, бел стомак, бели гради со една црна линија како ѓерданче. Имаат црна капа, челото им е бело и црна маска околу очите обрабена со бело. Клунот им е краток и темен. Нозете се месо боја, а прстите се поврзани со ципа.
Се разликува од малку поголемиотсреден пескар во бојата на нозете, нијансите на главата и присуството на јасниот жолт прстен околу очите.
Малиот пескар живее во близина на слатки води, крај реки, езера, во чакалести предели. Зимно времесе селат во Африка.Гнездото го сместуваат на земја, поточно во чакалот, со малку или без растенија. Обата родитела се менуваат приинкубацијата.Се хранат пасејќи во мочурливата земја, обично јадејќи тоа што можат да го видат. Јадатинсекти ицрви.
Малиот пескар е еден од видовите на кои се однесува Договорот за заштита на африканско-евроазиските водни птици-преселници.
