| Диџеј Калид | |
|---|---|
.jpg) Калид во 2022 | |
| Животописни податоци | |
| Родено име | Халид Мохамед Халид |
| Познат(а) и како |
|
| Роден(а) | 26 ноември1975(1975-11-26) (49 г.) Њу Орлеанс,Луизијана, САД |
| Жанрови | |
| Занимања |
|
| Период на активност | 1998–денес |
| Издавачи | |
| Мреж. место | djkhaledofficial.com |
Халид Мохамед Халид (англ.Khaled Mohammed Khaled;арапски: خالد محمد خالد; роден на 26 ноември 1975 год.),[3] професионално познат какоДиџеј Калид (англ. DJ Khalid) ― американскидиџеј, рапер и музички продуцент.
Халид Мохамед Халид бил роден на 26 ноември 1975 година, воЊу Орлеанс,Луизијана. Неговите родители билепалестински доселеници во САД.[4]
Во 1998 година, тој се преселил во Мајами и станал водителна радио-емисија во една од поголемите радио-станици во Мајами, 99 Jamz. Во 2003 година, на 99 Jamz започнал да води неделна радио-емисија под насловThe Takeover.[5][6][7] Тој, исто така, почнал да работи како музички продуцент за многу познати хип-хоп музичари, особено за членовите на Terror Squad.
Во 2006 година, Калид независно го издал неговиот прв албум,Listennn... the Album. Неговиот втор албум,We the Best (2007), го содржел хит-синглот „I'm So Hood“ (во соработка со: T-Pain, Trick Daddy,Рик Рос и Plies). Неговото следно издание,We Global (2008) се пласирал во топ-10 наБилборд 200.
Во 2008 година, Калид ги добил наградите за диџеј на годината од BET Hip Hop Awards и од Ozone Awards.[8][9] Тој бил назначен за претседател на издавачката куќа Def Jam South во февруари 2009 година.[10] Истиот месец,50 Cent објавил видео под наслов „A Psychic Told Me“ во кое тој рекол дека ќе ѝ наштети на мајка му од Калид и покажал наводни снимки од нејзиното работното место и од нејзе. Калид, не сакајќи да му даде публицитет на 50 Cent, одбил да коментира и само рекол: „Нема да му дозволам да ме намами“.[11]
Неговиот четврти студиски албумVictory бил објавен на 2 март 2010 година. На албумот гостувале:Дрејк, Лил Вејн, Рик Рос,Нас,Снуп Дог,Лудакрис,Нели и многу рапери. Синглот „All I Do Is Win“ со Лудакрис, Рик Рос, Снуп Дог и Т-Пејн бил сертифициран како двојно платинест сингл. Диџеј Калид на Твитер го објавил насловот на неговиот следен албум,We the Best Forever.[12] На 19 август, Калид потпишал договор со Cash Money Records и со Universal Motown; албумот подовна бил објавен од оваа издавачка куќа.
Неговиот петти студиски албум и прв албум издаден со голема издавачка куќа,We the Best Forever, бил издаден на 19 јули 2011 година. На албумот се наоѓала песната, „I'm on One“, во која настапуваат: Дрејк, Рик Рос и Лил Вејн, и која била објавена како сингл на 20 мај 2011 година. Песната се искачила на десетто место наBillboard Hot 100 и станала прва песна која се пласирала во топ-10 во САД за диџеј Калид и за Рик Рос.
Неговите следни албуми:Kiss the Ring (2012),Suffering from Success (2013) иI Changed a Lot (2015) имале умерен успех кај публиката и кај критиката.
На 25 јули 2013 година, Калид јавно ја ѝ предложил брак наНики Минаж прекуМТV. Тој притоа ѝ понудил дијамантски прстен од 10 карати од Rafaello & Co., вреден околу 500.000 долари.[13] На 29 јули 2013 година, во интервју за Funkmaster Flex, Минаж го одбила предлогот на Калид, велејќи: „Калид е мој брат и Калид не беше сериозен со тој проклет предлог. Ве молам заборавете го. Тој само се шегуваше.[14] Истиот ден, Флекс премиерно го извел новиот сингл на Калид, „I Wanna Be with You“, во кој учествувале Минаж, како и неговите чести соработници Фјучер и Рик Рос. Поради ова некои почнале да веруваат дека неговиот предлог за брак е „трик за публицитет“ за да го промовира на неговиот нов сингл.[15][16]
Кон крајот на 2015 година и на почетокот на 2016 година, многу видеа, на кои Калид детално го опишувал неговиот „клуч за успехот“, станале популарни наSnapchat. Поради ова тој станал „интернет феномен“, а некои сега го опишуваат како „живмем“ или „мем во човечка форма“.[17][18][19] На 29 февруари 2016 година, Калид потпишал договор само за менаџмент со компанијата од Џеј-Зи, Roc Nation. На 12 април 2016 година, Диџеј Калид објавил дека потпишал договор за снимање соEpic Records. На 18 април, диџеј Калид ѝ се придружил наБијонсе на нејзината светска турнеја The Formation.[20] Неговиот деветти студиски албум,Major Key (стилизиран како:Major🔑) бил објавен на 29 јули 2016 година. Албумот бил поддржан од четири сонгла: "For Free", "I Got the Keys", "Holy Key" и "Do You Mind"; добил претежно позитивни оценки од критичарите и дебитирал на прво место наБилборд 200 и бил номиниран за Греми награда во категоријата „Најдобар рап-албум“
Неговиот десетти албум,Grateful (2017), станала негов втор последователен албум на прво место на американската топ-листа за албуми. На албумот му претходеле сингловите „I'm the One“ (соЏастин Бибер, Quavo, Chance the Rapper иЛил Вејн) и „Wild Thoughts“ (соРијана и Брајсон Тилер), кои се искачија на прво и второ место наBillboard Hot 100, соодветно. Тој ималкамео појавување во промотивниот материјал заСпајдермен: Враќање дома,[21] а подоцна се појавил и воPitch Perfect 3 (2017). Истата година, објавил дека ќе ѝ се придружи наДеми Ловато како воведен изведувач на нивната турнеја „Tell Me You Love Me Tour“.[22]
Неговиот единаесетти албумFather of Asahd, насловен според неговиот постар син Асад, бил издаден на 17 мај 2019 година. Водечкиот сингл од албумот, „Top Off “, со Бијонсе, Џеј Зи и Фјучр, бил објавен на 2 март 2018 година.[23] На 27 јули 2018 година, Калид го објавил следниот сингл, насловен „No Brainer“, во кој настапуваат Џастин Бибер, Chance the Rapper и Quavo.[24] Во периодот од 17 мај од 20 мај 2019 година тој објавил неколку музички спотови за сингловите од албумот, меѓу кои била и песната „Higher“, со покојниот рапер Нипси Хасл иЏон Леџенд, за која Калид ја добил неговата прваГреми награда (во категоријата за „Најдобра рап-изведба“.[25][26]
Неговиот дванаесетти студиски албум под насловKhaled Khaled, бил издаден на 30 април 2021 година и се искачил на прво место на Билборд 200. Овој успех бил повторен и од неговит следен албумGod Did (2022) кој на 65-тото доделување на Греми наградите бил номиниран за најдобар рап албум. Истоимената песна од албумот, во соработка со со Рик Рос, Лил Вејн, Џеј Зи, Џон Леџенд и Фрајдеј била номинирана за „Песна на годината“ и „Најдобра рап-песна“.
Калид го позајмил гласот во анимираниот филмSpies in Disguise, објавен на 25 декември 2019 година.[27] Глумел и воBad Boys for Life (2020) и во неговото продолжениеBad Boys: Ride or Die (2024).[28]
Во 2016 година, тој ја напишал книгата „Клучеви: мемоари“, која ги содржела неговите размислувања за успехот и во која ги пренел неговите животни приказни.[29] Книгата се нашла на списокот на најпродавани книгинаЊујорк Тајмс.[30]
Семрежната филмска база на податоци(англиски)
|
