TikTok adolah layanan media sosial nan barisi vidio singkek vertikal jo gambar. Layanan media ko manyadiokan tayangan vidio singkek mulai dari 3 datiak sampai 10 minik. Topik vidionyo pun baragam, mulai dari olahraga, pandidikan, palancongan, sampai kaba barito. Mulonyo layanan ko diagiah namoMusical.ly, nan kudian barubah namo manjadiTikTok. Layanan ko sangaik tanamo dan panah manjadi aplikasi paliang banyak dimuek turun di dunia pado Agustus 2023.[1] Pado taun 2024, Indonesia manjadi nagara nan paliang banyak mamakai TikTok[2].
TikTok dibuek dek ByteDance, salah satu parusahaan pambuek aplikasi dariCino. Diluncuaan pado bulan September taun 2016 dan taleso juo manjadi aplikasi paliang banyak dimuek turun pado Agustus 2023.[1] Pado taun 2022, TikTok alah dimuek turun sabanyak 3 miliar kali dan punyo pangguno aktif sabanyak 1 miliar pangguno dalam sabulan.[3]
Pado 3 Juli 2018, TikTok disakek samantaro di Indonesia. Menteri Komunikasi dan Informatika, Rudiantara manyabuik, baso di TikTok banyak konten negatif, utamonyo ka bakeh anak-anak.[4] Manuruiknyo, panyakatan didasari dek asia pamantau tim AIS Kominfo, palaporan dari Kementerian Pemberdayaan Perempuan dan Anak (Kemen PPA), Komisi Perlindungan Anak Indonesia (KPAI), sarato laporan dari masyarakaik.[5]
Pihak TikTok lansuang mananggapi panyakatan nan dilakukan. Pihak TikTok bajanji marekrut 20 staf untuak manyensor konten TikTok di Indonesia.[6] Kominfo mancabuik panyakatan TikTok 8 ari kudian.[7]
- ↑ab-."TikTok Jadi Raja Aplikasi Dunia, Kalahkan Instagram Hingga WhatsApp".teknologi (dalam bahasa Indonesia). Diakses tanggal2025-01-19.
- ↑"TikTok users by country 2024".Statista (dalam bahasa Inggris). Diakses tanggal2024-11-03.
- ↑Singh, Shubham (2024-08-20)."How Many People Use TikTok (2024 Statistics)".DemandSage (dalam bahasa Inggris). Diakses tanggal2024-11-03.
- ↑RBC."Alasan Kominfo Blokir Tik Tok".teknologi (dalam bahasa Indonesia). Diakses tanggal2025-01-19.
- ↑TikTok Diblokir di Indonesia Karena Dinilai Negatif untuk Anak-anakKompas Tekno (dalam bahasa Indonesia). Diakses tanggal 2024-11-03.
- ↑Chinese video app TikTok to set up Indonesia censor team to overturn ban: report.Reuters (dalam bahasa Inggris). Diakses tanggal 2024-11-03.
- ↑Indonesia overturns ban on Chinese video app TikTok. Reuters (dalam bahasa Inggris). Diakses tanggal 2024-11-03.
