Movatterモバイル変換

[0]ホーム
URL:

Lompat ke isi
WikipediaEnsiklopedia Bebas
Cari

Kromium

Wikipedia Minangkabau - Lubuak aka tapian ilimu

Kromium adolah suatu unsua kimia dalam tabel periodik nan mamiliki lambangCr jo nomor atom 24. Inyo adolah unsua patamo dalamgolongan 6. Marupoan logam nan barono abu-abu cando bajo,bakilau, kareh sarato rapuah[1] nan butuah pamolesan tinggi, tahanpangusaman, jo mamiliki titiak labua nan tinggi. Namo unsua iko diturunkan dari bahasoYunani χρῶμα,chrōma, nan aratinyorono,[2] karano banyak senyawa kromium nan sangaik barono. Paduanferokromium diproduksi sacaro komersial dari kromit jo carosilikotermal ataureaksi aluminotermal jo logam kromium malalui prosespamanggangan jopalindian nan diikuti jo reduksi manggunoankarbon nan kudianaluminium. Logam kromium banilai tinggi karano tingkek tahannyo nan tinggi taadokkarat jokakarehannyo. Pangambangan utamonyo adolah pangungkapan baso bajo dapek dibuek sangaik tahan karat jo pangusaman jo caro panambahan kromium logam untuak mambantuakbajo nirkarat. bajo nirkarat jopalapisan krom (elektroplating jo kromium) sacaro gabuangan adolah 85% dari panggunoan komersial.Ion kromiumtrivalen (Cr(III)) dalam jumlah renik adolahnutrisi esensial pado manusia untuakmetabolismeinsulin,gulo jolipida, maskipun persoalan iko masih diperdebatkan.[3]. Samantaro logam kromium jo ion Cr(III) dianggap indak baracun,kromium heksavalen (Cr(VI)) basipaik toksik jokarsinogenik. Situs produksi kromium nan alah indak tapakai acok paralupambarasiahan lingkuangan.

Karakteristik

[suntiang |suntiang sumber]

Kromium basipaik magnetik : inyo adolah satu-satunyo unsua padek nan manunjuakkan tingkekantiferomagnetik pado suhu ruang (nan di bawahnyo). Di ateh 38 °C, inyo barubah manjadiparamagnetik.

Logam kromium nan dipadiakan talatak di udaro tabukak maalamipasivasi dek oksidasi, nan mambantuak lapisan pamukaan tipih nan protektif. Lapisan iko adolah suatu strukturspinel jo katabalan hanyo babarapo molekul. Inyo sangaik padek, jo maambek difusi oksigen ka dalam logam di bawahnyo. Iko babeda dari oksida nan tabantuak pado pamukaan basi jo bajo karbon, nan dima oksigen elemental taruih bamigrasi, mancapai logam di bawahnyo nan manyababkan pakaratan nan bakalanjuikan. Pasivasi dapek ditingkekan jo caro kontak singkek joasam oksidator candoasam nitrat. Kromium tapasivasi stabil taadok asam. Pasivasi dapek dihilangan joreduktor kuek nan maancuakan lapisan oksida palinduang pado logam. Logam kromium nan alah diagiah palakuan iko mudah laruik dalam asam lamah.

Kromium, indak cando logam sajinih saroman basi jo nikel, indak tapangaruah dekparapuahan hidrogen. Namun inyo tapangaruah dekperapuhan nitrogen, bareaksi jo nitrogen dari aia jo mambantuak nitrida nan rapuah pado suhu tinggi nan marupoan bagian dari karya logam.[4]

Kromium alami tasusun dari tigoisotop nan stabil;52Cr,53Cr dan54Cr, jo52Cr adolah nan paliang banyak (kelimpahan alami 83,789%). Sabanyak 19radioisotop alah dikarakterisasi, jo nan paliang stabil adolah50Cr jowakatu paruh (labiah dari) 1,8×1017 tahun, jo51Cr jo wakatu paruh 27,7 hari. Sadoalah isotopradioaktif sisonyo mampunyoi wakatu paruah kurang dari 24 jam jo mayoritas kurang dari 1 minik. Unsua iko mamiliki 2 isotopmeta stabil.[5]. Isotop kromium ado dalam kisaranmassa atom dari 43 u (43Cr) hinggo 67 u (67Cr).Moda peluruhan utamo sabalun isotop stabil paliang banyak ado,52Cr, adolahtangkapan elektron, sadangkan moda utamo sasudahnyo adolahpaluruahan beta.[5]53Cr alah diajukan sabagai proksi untuak konsentrasi oksigen atmosfer.[6]

Rujuakan

[suntiang |suntiang sumber]
  1. ↑Brandes, E. A.; Greenaway, H. T.; Stone, H. E. N. (1956). "Ductility in Chromium".Nature.178 (587): 587.Bibcode:1956Natur.178..587B.doi:10.1038/178587a0. 
  2. ↑χρῶμα, Henry George Liddell, Robert Scott,A Greek-English Lexicon, on Perseus
  3. ↑"Chromium". Office of Dietary Supplements, US National Institutes of Health. 2016. Diakses tanggal06 Maret 2021. Periksa nilai tanggal di:|accessdate= (bantuan)
  4. ↑Wallwork, G. R. (1976). "The oxidation of alloys".Reports on the Progress Physics.39 (5): 401–485.Bibcode:1976RPPh...39..401W.doi:10.1088/0034-4885/39/5/001. 
  5. 12Georges, Audi; Bersillon, O.; Blachot, J.; Wapstra, A. H. (2003). "The NUBASE Evaluation of Nuclear and Decay Properties".Nuclear Physics A. Atomic Mass Data Center.729: 3–128.Bibcode:2003NuPhA.729....3A.doi:10.1016/j.nuclphysa.2003.11.001. 
  6. ↑Frei, Robert; Gaucher, Claudio; Poulton, Simon W.; Canfield, Don E. (2009). "Fluctuations in Precambrian atmospheric oxygenation recorded by chromium isotopes".Nature.461 (7261): 250–253.Bibcode:2009Natur.461..250F.doi:10.1038/nature08266.PMID 19741707. 
Diambiak dari "https://min.wikipedia.org/w/index.php?title=Kromium&oldid=2053651"
Kategori nan tasuruak:
[8]ページ先頭
©2009-2025 Movatter.jp