Glikasi (kadang disabuik juo glikosilasi nonenzimatik) adolah ikatan kovalen antaro gulo jo protein atau lamak.[1] Jinih gulo nan talibek dalam proses glikasi adolahglukosa,fruktosa, jo derivatnyo. Glikasi adolah proses nan indak malibekan enzim nan batangguang jawok untuak tajadinyo kompliksi mikro jo makrovaskuler pado pandaritodiabetes melitus jo talibek dalam proses panuoan jo babarapo panyakik.[2][3][4] Produk akhir proses glikasi diyakini marupokan panyabab komplikasi vaskuler pado diabetes.
Babeda jo glikasi, glikosilasi adolah ikatan gulo jo protein atau lamak nan diperantai oleh enzim.[1] Proses glikosilasi tajadi dimolekul target. Proses iko adolah bantuak modifikasi posttranslasi protein nan lazim tajadi jo dibutuahan dek fungsi maturasi protein.
Glikasi biasonyo tajadi di dalam aliran darah dari proses absorbsi gulo sadarhano dalam jumlah ketek; glukosa, fruktosa, jo galaktosa. Tampaknyo frtuktosa mamiliki aktivitas glikasi sapuluah kali labiah banyak daripado glukosa, nan marupokan bahan baka primer untuak badan.[7] Glikasi dapek tajadi malalui reaksi Amadori, reaksi basa Schiff, jo reaksi Maillard; nan akan mahasilan produk akhir glikasi atauadvanced glycation end products (AGEs).
Proses glikasi tajadi pado badan manusia, kito sadang mangalami pamatangan. Labiah tapeknyo, kito barangsua-angsua manjadi hanguih, mangalok sarupo roti di pamanggang. Dalam badan kito, sajak lahia, tajadilah pamatangan, maski lambek sabana lambek. Katiko iluwan maliek tulang rawan iga bayi, warnanyo putiah. Baitu manusia mancapai usia 90 taun, tulang rawan nan samo bawarna coklat.
Fenomena iko nan kini dikenal sabagai reaksi Mailard. Inyo manamuan bahwa pancokelatan tajadi katiko molekul glukosa manabrak molekul sanyawa lain. Banturan iko manyababkan reaksi. Molekul kaduo nan ditabrak glukosa ko disabuik mangalami "glikasi". Katiko molekul mangalami glikasi, artinyo molekul tuh rusak. Proses iko normal jo nisacayo dalam hiduik. Karano itulah kito manuo, organ-organ kito barangsua-angsua malamah, hinggo akhirnyo mati. Kito indak bisa mahantian proses iko, tapi bisa mampalambek atau mampacapeknyo. Samakin banyak glukosa nan kito antaran ka badan, samakin acok glikasi tajadi. Baitu molekul mangalami glikasi, rusaklah molekul itu salamonyo, sabagaimano roti nan alah hanguih indak bisa diputiahan baliak. Efek jangko panjang dari molekul terglikasi bamacam-macam, mulai dari karipuik jo katarak hinggo panyakik jantuang jo alzheimer.[8]