Ayan atau panyakik ayan adolah gangguan sistemsaraf pusat akibaik pola aktifitas listrik utak nan indak normal, karano itu bisa timbua kajang-kajang, taraso parilaku jo sensasi nan indak biaso sampai hilang kasadaran.[1]
Gangguan pola aktifitaslistrik pado tak saraf bisa dikaranokan kalainan pado jaringan, indak saimbangnyo zatkimia dalamutak, atau dari faktor lainyo.[1]
Panyakik ayan ko adolah kalainan heterogen nan tando - tandonyo bisa di cagah jo dikandalian sampai bateh wakatu tatantu.[2] Panyakik ayan ko bisa manyarang kapadusi ataulaki-laki. Badasarkan panyababnyo, panyakik ayan bisa digolongkan manjadi duo, epilepsi idiopatik jo epilepsi simptomatik. Epilepsi idiopatik ko adolah epilepsi nan panyababnyo indak dikatahui. Sadangkan epilepsi simptomatik adolah epilepsi nan tajadi dek panyakik lain nan manyababkan karusakan pado utak.[1]
Panyabab nan mandasari bana panyakik ayan ko bisa diidentifikasi sabagai masalah genetik, struktural atau metabolisme. Tapi panyabab nan paliang banyak, panyakik ayan ko indak dikatahui panyababnyo.[3][4]
Genetik dikatahui salah ciek dari banyak faktor nan mangakibaikkan panyakik ayan, sacaro langsuang maupun indak langsuang. Babarapo panyakik ayan disababkan dek karusakan gen tungga (1-2%), nan banyak adolah akibaik interaksi babarapo faktor gen atau lingkuangan.[5]
Pado kasus anak nan lahiakamba identik, jikok ado salah surang nan madarito panyakik ayan, kamungkinan gadang (50-60%) nan surang lai mandarito panyakik ayan pulo. Tapi jikok kambanyo indak identik, mako faktor resikonyo hanyo 15%. Resiko nyo ko labiah gadang kamungkinan untuak nan kajang umum daripado kajang fokal. Jikok kaduo urang kamba tu mandarito panyakik ayan, mako kamungkinan nyo adolah mandarito jinih panyakik ayan nan samo.[5]
Panyakik ayan bisa lo tajadi dek akibaik kondisi dari panyakik lain, misalnyotumor,stroke, cidero di kapalo, infeksi sistem saraf pusat, abnormalitas genetik, atau akibaik karusakan utak katiko malahiakan.[3][6] Antaro 6% sampai 20% kasus ayan diyakini dek cidero di kapalo. Cidero utak ringan maningkekan rasiko ayan kiro-kiro 2 kali lipek,sadangkan untuak cidero utak barek bisa maningkekan rasiko tujuah kali lipek.[2]
Pandarito nan manggigik lidah katiko sadang mangalami kajang-kajang
Ado babarapo sindrom panyakik ayan nan biasonyo dikalompokkan manuruik umua katiko awalnyo bangkik, yaitu : periode neonatus, anak-anak, urang gadang, jo sarangan nan indak ado hubungannyo jo umua.[6] Pangklasifikasian sabab panyakik ayan ka dalam suatu sindrom tatantu banyak tajadi pado anak-anak daripado urang gadang. Tipe-tipe itu adolahepilepsi Roland benigna (2,8 per 100.000),epilepsi absans anak-anak (0,8 per 100.000) joepilepsi mioklonik juvenil (0,7 per 100.000).[7]
Panangan nan paliang ancak untuak panyakik ayan adolah maagiah ubekantikonvulsan. Ubek ko kamungkinan gadang di agiah saumua iduik. Ubek antikonvulsan ko diagiah tagantuang kapado jinih kajangnyo, sindrom ayan, pangubatan lain nan sadang dijalankan, masalah kasihatan masing-masing pandaritonyo, umua, sarato gaya kasaharian.[9]Awal-awal pangubatan nan disarankan adolah pangubatan tungga, tapi jikok indak ancak baru disarankan pangubatan lainnyo.[10]
Jinih antikonvulsan nan labiha murah adolah fenobarbital nan haragonyo kiro-kiro Rp60.000 dalam satahun. Organisasi Kasihatan Dunia (WHO) manjadikan saran partamo di nagara bakambang sarato nan banyak di pakai di situ.[11][12]
Efek sampiang dari ubek ko pado pandarito, tagantuang kapado caro jo sumber data nan dikumpuakan sarato dosis pamakaiannyo. Babarapo efek sampiang nan timbua karano pamakaian ubek ko adolah mangantuak, oyong-oyong katiko bajalan, suasana hati nan indak lamak sarato bisa barubah.[13]
"Epilepsy".www.who.int (dalam bahasa Inggris). Diakses tanggal2020-12-25.
Berg, AT (April 2010). "Revised terminology and concepts for organization of seizures and epilepsies: report of the ILAE Commission on Classification and Terminology, 2005–2009".Epilepsia.51 (4): 676–85.doi:10.1111/j.1528-1167.2010.02522.x.PMID20196795.Parameter|coauthors= yang tidak diketahui mengabaikan (|author= yang disarankan) (bantuan)
Neligan, A (2012). "The epidemiology of the epilepsies".Handbook of clinical neurology.107: 113–33.doi:10.1016/B978-0-444-52898-8.00006-9.PMID22938966.Parameter|coauthors= yang tidak diketahui mengabaikan (|author= yang disarankan) (bantuan)
Ilangaratne, NB (2012 Dec 1). "Phenobarbital: missing in action".Bulletin of the World Health Organization.90 (12): 871–871A.doi:10.2471/BLT.12.113183.PMID23284189.Parameter|coauthors= yang tidak diketahui mengabaikan (|author= yang disarankan) (bantuan);Periksa nilai tanggal di:|date= (bantuan)
