Ko Tiamana te whenua taupori nui rawa o teKotahitanga o Ūropi, me ōna kirirarau e 82 miriona. Ahakoa koPearīni te tāone matua, tāone nui rawa hoki me ōna kainoho e 3,410,000, ko te rohe o Rine-Ruhr kē te kāhui nohoanga tuatahi o te whenua nō ngā tāngata neke atu i te 10,000,000 e noho toha ana ki ngā tāone o Düsseldorf, Koln, Essen, Dortmund, Duisburg me Bochum. Ko Tiamana te kaipōwhiri manene tuatoru o te ao i te mea 12% o tōna taupori he mea whakawhānau tāwāhi mai; ko te nuinga o ēnei i ahu mai i teWhenua Korukoru. Ko te reo Tiamana te reo whaimana.
He tūwehe whakaminenga pāremata a Tiamana me ōna wehenga (Bundesländer) 16. He peke roheEuro, Rūnanga o Ūropi, Kotahitanga Aorere, NATO, Whakahaere Ruruku Whakahiato Ōhanga, G8 me te G4. Koia te ōhanga tuatoru o te ao, te kaikaweatu tuatahi me te kaiwhakapau pūtea waonga tuaona. He teitei te pai oranga kua whanake a Tiamana mō ōna kainoho, waihoki tōna pūnaha maru hapori. He tūnga pūtake tōna i ngā take o Ūropi, ā, he amorangi pūtaiao, hangarau whakahirahira hoki.
Nō mua mai o te tau 100 ka mōhiotia tētahi rohe e kīia nei ko Tiamana, reira noho ai ētahi iwi Tiamani. Mai te tau 962 tae noa ki 1806 i noho whakaawetia e Rāwhitirangi o roto o te Emepaia Tapu o Roma. I whakakotahitia tuatahitia a Tiamana nō te mutunga o te Pakanga Wīwī-Puruhia i te tau 1871 i raro i tētahi wehenga kua whakaawetia e Puruhia. I weheruatia anōtia a Tiamana nō muri i te Pakanga Aorere Tuarua e ai ki ngā rohe i whetaina e ngā Uku. Kua whakakotahitia whakamutungatia nō te 3 Whiringa-ā-Nuku 1990, arā, 11 ngā marama ā muri i te wetewete i te Pakitara o Pearīni, nōna tēnā whakakotahitanga i tīmata ai mō te iwi whānui.
