NySahih Muslim (atao amin' nyteny arabo hoe صحيح مسلم /Saḥīḥ Muslim) dia iray amin' ny angonahadita enina lehibe indrindra amin' nysilamo sonita ary bokin' nySonà. Nosoratan' ny imamMuslim ibn al-Ḥajjāj (taona 821-875) tamin' ny taonjato faha-9 izy io rehefa nandeha tany amin' nySaikanosin' i Arabia, tanyIràka, tanyEjipta ary tanySiria.
Antsoina koa hoeAl-Musnadu Al-Sahihu bi Naklil Adli koa izy. Iray amin' ny boky sarobidy indrindra ao amin' ny silamo sonita izy io aorian' ny Kor'an, miaraka amin' nySahih al-Bukhari. Heverin' ny Sonita ho fanangonana hadita faharoa tena marina (ṣaḥīḥ) aorian' nySahih al-Bukhari izy.
Ny sasany indraindray aza dia nankasitraka kokoa ny asan' ny imam Muslim noho nyJâmi'us-Sahih an' ial-Bukhari. Ny imam Muslim dia manazava fa amin' ny hadita telo hetsy izay nangoniny nandritra ny dimy ambin' ny folo taona dia 9 200 ihany no noheveriny ho tena marina.
NySahih Muslim dia misy fitantarana hadita eo amin' ny anelanelan' ny 5 500 sy 7 500 voatsinjara amin' ny boky 56. I Kâtip Çelebi (maty tamin' ny taona 1657) sy i Siddiq Hasan Khan (maty tamin' ny taona 1890) dia samy nanisa fitantarana 7 275. Nanoratra i Muhammad Fuad Abdul Baqi fa misy fitantarana miisa 3 033 izany raha tsy isaina ny famerimberenana.
I Mashhur ibn Hasan Al Salman, mpianatr' i Al-Albani (maty tamin' ny taona 1999) dia nanorina tamin' io isa io, nanisa fitantarana miisa 7 385, izay raha mitambatra amin' ny folo ao amin' ny teny fampidirana, dia mahatratra 7 395. Nanoratra teny fampidirana amin' ny fanangonana haditany i Muslim, izay nanazavany ny antony nisafidianany ny hadita nofidiny ho tafiditra ao amin' nySahih nataony.
NySahih Muslim koa dia anisan' nyKutub al-Sittah, izay fitambarana angona enina lehibe amin' ny hadita sonita momba ny mpaminany silamoMohamady. Izy io dia ahitana fitantarana hadita eo amin' ny 7 500 eo ho eo izay notsinjaraina amin' ny boky miisa 56.
