Tamin'ny 1996, i Google, nitondra anarana BackRub tamin'izany fotoana izany, dia tetikasa siantifika iasan'i Larry Page sy Sergey Brin, mpianatra mianatra momba ny rindrankajy fikarohana ao amin'ny oniversiten'i Stanford. Mieritreritra rindrankajy mandinika ny fifandraisan'ny sehatra web izareo, ary io rindrankajy io mety manome valin-karoka tsaratsara kokoa nohon'ny mpikaroka mifaninana aminy tamin'izany, indrindra Altavista.
Novidiana tamin'ny 15 Saptambra 1997 ny anaram-bala « google.com »
Mitady vola anamboarana ny orinasany ireo mpianatra roa. Novainy ho « Google » ny anaran'ilay tetikasa. I Andy Bechtolsheim, anisan'ny namorona ny Sun Microsystem dia nanome azy ireo 100 000 $ tamin'izy nahita ny fandehanan'ny rindrankajy fikarohana google sy ny zavatra afaka nataony. Azony ihany ny 1 000 000 $ avy amin'ny fianankaviany sy ny namany, ary afaka natomboka avy teo ny orinasa Google Inc. tamin'ny7 Septambra1998. Garajy taoMenlo Park no biraony voalohany.[3][4]
Tamin'ny volanaFebroary1999, fikarohana 500 000 no omen'i Google valiny, ary tafakatra telo tapitrisa izy tamin'nyAogositra. Tamin'ny volanaMartsa, nifindra toerana tanyPalo Alto ny orinasa, ary tamin'ny9 Septambra1999, tapitra ny fanandramana.
Tamin'ny janoary1999, manomboka miresaka sy manoratra momban'ny zavatra afaka ataon'i Google ny gazety. Manoratra ny gazety frantsayLe Monde fa mandraitra ny safidy ara-teknikan'i Google. Raha atsofoka izao ohatra ny teny « Bill Clinton » eo amin'ny Google, dia mamoaka ny tranonkala ny Whitehouse (Tranofotsy) izy, kanefa any amin'nyAltavista, tsy tonga dia asehony avy hatrany izany valiny izany : Tsy maintsy misafidy impolo na mahery vao avoakany ilay valiny. Lafitsara hafa : ataon'i Google soramatavy nykeyword ao anatin'ny fehezanteny, na ao amin'ny lohateny mitondra mankany amin'ilay pejin-tranonkala (raha misy) na ao amin'ny fizaràna misy ilaykeyword, kanefa i Altavista tamin'izany tonga dia manome ny rohy avy hatrany.
Tamin'ny Jiona 2000, Google no mpikaroka voalohany indrindra mafantatra ny fisian'ny pejin-tranonkala 500 tapitrisa. Miara-miasa amin'iYahoo! i Google ary nanomboka mamoaka dokam-barotra mandeha arakaraky nykeyword natsofoka. Tamin'ny faran'ny taona 2000, afaka ampiasaina ny Google toolbar.
Niandry an'i Eric Schmidt ho filohan'i Novell iLarry Page sySergey Brin tamin'ny Martsa2001, mba hiitatra ny orinasa. Tamin'ny4 Septambra2001, manana ny brevet-ny i Google momban'i PageRak. Ankehitriny, fikarohana voalohany eo amin'ny Internet i Google ankehitriny ; 80 isan-jaton'ny internaoty amerikanina no mampiasa ny fitaovam-pikarohana Google, kanefa 35 isan-jaton'ny sinoa monja no mampiasa azy, satria alehany ilay tranonkala sinoaBaidu, mamoaka valim-pikarohana tsaratsara kokoa ho an'ny karoka amin'ny fiteny sinoa.
