IGoatemala dia firenena aoAmerika Latina izay manana morontsiraka ao amin' nyRanomasimbe Atlantika sy ny ao amin' nyRanomasimbe Pasifika. Ny renivohiny dia iGuatemala. Manana velaran-tany mirefy 108 890 km2 izy ary misy mponina miisa 17 153 288 tamin' ny taona 2020. Atao hoeGoatemalteka ny mponina ao.
Mamakivaky ny tanim-pirenen' i Goatemala avy any atsinanana ka hatrany andrefana i Sierra Madre, izaytandavan-tendrombohitra ipoiram-bolkano (ny tendrony avo indrindra amin' izany dia nyafotroa Tajumulco izay manana haavo 4 220 m). Vokatr' izany dia manana vohon-tany ahitana endrika mifanohitra io firenena io: mifanohitra amin' ny lemaka amoron-tsirak' i Pasifika sy amin' ny tany mafana ao Petén (izay lembalemba midadasika any avaratry ny firenena ary rakotra ala mikitroka) ny tany avo ao afovoany. Ny ankamaroan' ny afotroa any Goatemala dia maty, nefa miseho matetika nyhorohoron-tany.
Mizara roa ny fiaraha-monina goatemalteka, izaykatôlika ny ankamaroany: ao nyIndiana avy amin' ny Maia (65 %-n' ny mponina) izay mahantra, monina indrindra any amin' ny faritra avo tsy mahavokatra; ary ao ny Ladinô (safiotra sy taranaky espaniôla) izay mipetraka any an-tanàn-dehibe; lehibe ny tsy fitoviana eo amin' ny vondrona roa tonta. I i Goatemala no firenena be mponina indrindra anyAmerika Afovoany. Manodidina ny 60 %-n’ ny mponina no mipetraka any ambanivohitra.
Nykafe no volena indrindra ao amin' ilay firenena, mitentina efa ho ny antsasaky ny vola azo amin' ny fanondranana ny vola azo avy amin' ity fambolena ity. Ny fanodinana sakafo sy ny fanamboarana lamba no asa indostrialy ao. Nanomboka tamin' nyAdy Lehibe Faharoa dia namporisika ny fampiroboroboana ny indostria ny fitondram-panjakana ao Goatemala mba hahatonga ny toekarena tsy hiankin-doha loatra amin' ny famokarana kafe syakondro.
- ↑Université de Sherbrook. Perspective Monde, Guatemala,En ligne
|
.svg)