यमन (अरबी भाषा: اليَمَن अल-यमन), आधिकारिक रुप सँयमन गणराज्य (अरबी भाषा: الجمهورية اليمنيةअल-जम्हूरिया अल-यमन)मध्यपूर्व एसियाक एक देश छी, जेअरब प्रायद्वीपमे दक्षिण पश्चिममे अवस्थित अछि। २ करोड़ जनसङ्ख्या रहल देश यमनक सीमा उत्तरमेसाउदी अरब, पश्चिममेलाल सागर, दक्षिणमेअरब सागर आअदनक खाड़ी आ पूर्वमेओमान सँ मिलैत अछि। यमनक भौगोलिक सीमामे लगभग २०० सँ अधिक द्वीप सेहो अछि, जहिमेसोकोत्रा द्वीप सभसँ पैग अछि।[२]एकर राजधानी साना छी। अन्य प्रमुख शहर ताइज (Ta'izz), अल - हुदैदाह (al Hudaydah), बैत अल - फकीह (Bayt al Faqih) अछि। अरबी प्रमुख भाषा छी। इस्लाम एहि ठामक धर्म छी। केवल ५% जमिन पर खेती कएल जाइत अछि। उच्च प्रदेश प्रमुख कृषि स्थल छी। शुष्क कृषिमे कफीक स्थान प्राचीन कालसँ प्रमुख रहल अछि। कात क उपज तेजी सं कफी क स्थान पर आबि रहल अछि। फलमे सेब, खुबानी, केला, अनेक प्रकारक अङ्गूर, नीम, आड़ू, नारंगी तथा अनेक प्रकारक तरबूज बेसी उगाओल जाइत अछि। बादाम आ अन्य काष्ठफल सेहो उगैत अछि। जौ, जई, कम्मा, ज्वार, बाजरा, धान, तिल तथा सोरघम खाद्य धान मे प्रमुख स्थान पर अछि। पठार आ समुद्र तट पर गेहूँ सेहो उगैत अछि। खनिजसभमे नमक आ चूना पत्थरक स्थान प्रमुख अछि।
वर्ष १९६२ ई. मे यमनक सुल्तानक मृत्युक बाद २६ सितम्बर, १९६२ ई. मे यमनमे क्रान्ति भेल यमनक क्रान्तिकारी सरकार रुस आ मिस्रक सहयोगसँ यमनमे गणतन्त्रक स्थापना केलक। मुदा शाहजादा हसन सऊदी अरबक जेद्दा प्रान्तमे यमनक निर्वासित सरकारक स्थापना केलक। एहि सङ्घर्ष मे सऊदी अरब आ जॉर्डन हसन आ मिस्त्र क्रान्तिकारी पक्ष मे भाग लेब शुरू केलक। युद्ध दिन - दिन भयंकर होइत गेल, एहि पर सन्धि मार्च, १९६३ ई. मे डा. राल्फ बुंच केँ पठा कऽ यमन मे शान्ति स्थापित करवाक लेल आ दुनु पक्ष केँ एहि बातक लेल तैयार केलक ओ सभ शान्तिपूर्ण उपायक द्वारा समस्या केँ सुलझाओत। अन्तमे संयुक्त राष्ट्र संधि यमनमे शान्ति स्थापित केलक।
.svg)