Nyosoè (bahasa Inggris:breastfeeding) iyâ jârèya prosès merri’susu ka bhâji’ otabâ na’-kana’ kènnè’ ngangghuy air susu ibu (ASI) ḍâri sosona embu’. Bhâji’ aghuna’aghi rèflèks nyessep ka’angghuy nga’ollè bân ngalunyo’ susu.
Bhuktè èkspèrimèntal nyimpulaghi bahwa aèng sosona embu’ jârèya gizi palèng beccè’ ka’angghuy bhâji’. Para pakar ghi’ memperdebatkan bârâmpa abitta periode nyosoè sè palèng beccè’ bân bârâmpa jhâu risiko pangangghuyân susu formula.
Bhâji’ bisa èsosoè sareng embu’na dhibi' otabâ orèng binè’ laèn. ASI jhughân bisa èperres bân èberri’aghi lebât alat nyosoè sè laèn akaḍi’ botol susu, cangkèr, sènḍok, otabâ pipèt. Susu formula jhughân tasadiya ka’angghuy para embu’ se lo’ bisa otabâ mèlè lok nyosoè, tapè para ahli sapakat bahwa kualitas susu formula lok sabeccè’ ASI. È bânnya’ naghârâ, pamerri’an susu formula takaè’ sareng tingkat kamatèan bhâji’ sè èsebbâbâghi diare, tapè manabi sè ngâbây èlakonè tèngatè ngangghuy aèng bhersè, pamerri’an susu formula cokop aman.
Pamarenta bân organisasi internasional sapakat onto’ apromosiaghi nyosoè sebagai mètode palèng beccè’ ḍâlem pamarri’an gizi bhâji’ setidaknya taon partama bân bahkan lebbi abit polè, antara laèn WHO, Akademi Dokter Anak Amerika(American Academy of Pediatrics), bân Departemen Kesehatan.
Soso ebâgi dhâddhi pan-bârâmpan bâgiyân iyâ jârèya lobus, pentil, bân areola. Areola arèya kennangan se teppa’ dâlem nempèlaghi colo’na bhâji’ èbakto nyosoè. Areola andi’ ghuna makalowar kalènjhâr pello sè bisa malemmes soso teppa’ nyosoè.
Soso akembâng è bâkto masa pubertas. Rajâ kennè’na soso lok ahubungan sareng kamampowan nyosoèn bân volume ASI sè èhasèllaghi. Lok coma babinè’an, kè’-lakè’ jhughân anḍi’ kalènjhâr mammae otabâ sè segghut èsebbhut soso. Kèng coma bâgi babinè’an, soso ngalamè perkembangan bân adhâddhiyaghi abentu’ menonjol è dâdâ. Cem-macemma okoran soso ètentowaghi sareng variasi jumlah jaringan lemak bân jaringan ikat se bâdâ è dâlemma.
Proses produksi, sekresi, bân pangalowaran ASI ènyamaè laktasi.
