Fei-Fei Li (lahèr 3 Juli 1976) panèka ilmuwan komputer Tiongkok-Amèrika. Salèrana èkennal polana maddhek ImageNet sè aropa kompolan data sè andi' kamajuwân lekkas ḍâlem visi komputer è taon 2010-an.[1][2] Salèrana jhughân seorang profèsor èlmo komputer Sequoia Capital è Univèrsitas Stanford bân mantan dirèktur dèwan è Twitter.[3] Li jhughân aropa sala sèttong dirèktur Stanford Institute for Human-Centered Artificial Intelligence bân sala sèttong dirèktur Stanford Vision and Learning Lab.[4] Taon 2013 kantos taon 2018 salèrana ajabat mènangka dirèktur Laboratorium kacerdasân ghâbâyân Stanford.[5][6][7] È taon 2017, salèrana maddhek AI4ALL sè aropa sèttong organisasi nirlaba ghâbây maongghâ macemma bân inklusi è bidang kacerdasân ghâbâyân.[8] Taon 2023, Li è akoè maso' ka daftar 100 orèng AI palèng apangaro vèrsi Time bân narèma Intel Lifetime Achievements Innovation Award polana kontribusina ka kacerdasân ghâbâyân.[9] Salèrana èpèlè mènangka angghuta National Academy of Engineering bân National Academy of Medicine è taon 2020,[10] bân American Academy of Arts and Sciences è taon 2021.[11]
È tangghâl 3 Agustus 2023, Li èyangka' dhâddhi Dèwan Panasihat Ilmiyah Parserikatan Bhângsa-Bhângsa sè èghâbây sareng Sèkretaris Jenderal Parserikatan Bhângsa-Bhângsa Antonio Guterres.[12][13] È taon 2024, Li maso' ka daftar A100 Asia palèng apangaro vèrsi Gold House.[14] Taon 2024, Fei-Fei Li makompol $230 juta ghâbây perusahaan rintisan anyama World Labs. Perusahaan ka'dinto èpaddhek asareng tello' Kancana ghâbây maongghâ kuwalitas tèknologi AI “kacerdasân spasial” sè bisa ngartè cara lakona dhunnya fisik tello' dimènsi.[15]