Ultraviolet-light-Venus-spacecraft-Pioneer-Orbiter-bands-Feb-26-1979 Bintang terrang sobbu [ 1] o tabâVènus èngghi panèkaplanèt palèng semma' kapèng ḍuwâ' ḍâri mata'arè samarènaMèrkurius . Planèt panèka ngorbit mata'arè abitta 224,7 arèBhumè . Vènus ta' aghâdhuwi satelit alami bân ènyamaè ḍâri ḍèwitrèsna bân karaddhinan ḍâlem mitologi Romawi. SamarènaBulân , planèt panèka dhâddhi objèk alami palèng tèra' è langngè' malem, kalabân magnitudo tampa' -4,6 sè cokop tèra' ka'angghuy ngasèllaghi jeng-bejengan. Vènus panèka planèt infèrior kalabân paddhu èlongasi sè ḍâpa' 47,8°. Panamoakan planèt akadhi bintang sè sanget tèra' è langngè' malem panèka adhâddhiyaghi Vènus èjhuluki mènangka "bintang kejora". Vènus palèng ghâmpang èabâs è bâkto sabellumma mata'arè terbi' otabâ samarèna mata'arè compet, saèngghâ Vènus jhughân èjhuluki mènangka "bintang pajjhâr/tèmor" otabâ "bintang senja".
Vènus panèka planèt kabhumèan bân kadhânf èsebbhut "planèt trètan" Bhumè sabâb okoran, gravitasi, bân èssèna sè mèbis (Vènus panèka planèt palèng semma' ḍâri Bhumè bân planèt sè okoranna palèng semma' bân Bhumè). Nangèng, ḍâlem hal laèn planèt panèka sanget bhidhâ bân Bhumè. Planèt panèka aghâdhuwi atmosfèr palèng ghâli è antara empa' planèt kabhumèan sè aèssè 96% karbondioksida. Tekkanan atmosfèr permuka'an Vènus 71 kalè lebbi rajâ ètèmbhâng Bhumè. Kalabân rata-rata suhu permuka'an 735 K (462 °C; 863 °F), Vènus panèka planèt palèng panas è Tata Surya. Planèt panèka ta' aghâdhuwisiklus karbon sè arangkep karbon ḍâlen to-bâto bân kanampa'an permuka'an, jhughân ta' aghâdhuwi kaoḍi'an organik sè bisa nyerrep karbon ḍâlem bentu' biomassa. Vènus ètotopè lapèsan bureng sè aèssè onḍem asam sulfat sè sanget rèflèktif, saèngghâ permuka'anna ta' bisa èabâs ḍâri lowar angghâsa. Vènus mungkin toman aghâdhuwi samudra,[ 2] menguap sabâb panèngkatan suhu sè èsabâbaghi bânèfèk rumah kaca sè ros-terrossan. Sabâgiyân bânnya' aèng mungkin amoonterfotodisosiasi , bân angèn mata'arè ampon adhâddhiyaghi hidrogèn bhibhâs ngalamè palocotan ka lowar angkasa mènangka sabâb ḍâri sobungnga mèdan magnèt è Vènus. Lowaranna vènus abentu' bèḍu, kerrèng, bân èsellèngè bâtoan sè èanyarè kalabân pèrioḍik sareng aktivitas vulkanik.
Vènus ngorbit Mata'arè ḍâri jârâ' sakètar 100 juta km (sakètar 0,7 SA) kalabân pèrioḍe orbit 224 arè. Vènus ngorbit Mata'arè ḍâri jârâ' 0,72 AU (108.000.000 km; 67.000.000 mi) kalabân pèrioḍe orbit 224,65 arè. Maskè sadhâjâna orbit planèt abentu' èlips, orbit Vènus para' alèngker, kalabân èksèntrisitas lebbi mabâ ḍâri 0,01. Sabbhân 584 arè, kadhâddhiyan konjungsi infèrior, panèka bâkto Vènus bâḍâ è antara Bhumè bân Mata'arè saèngghâ Vènus bâḍâ è jârâ' rata-rata palèng semma' ḍâri Bhumè, jhâun 41 juta km. Vènus bisa nyemma'è Bhumè kantos jârâ' 38,2 juta km. Sabâb korangnga èksèntrisitas orbit Bhumè, jârâ' palèng sakonnè' Vènus rakèra bhâkal marajâ ḍâlem bâkto poloan èbu taon.
