Barack Hussein Obama II (/bəˈrɑːk huːˈseɪn oʊˈbɑːmə; lahèr 4 Agustus 1961) panèka sala sèttong politisi bân pangacara Amèrika Serikat sè dhâddhi Prèsidèn Amèrika Serikat ka-44. Salèrana panèka orèng Afrika Amèrika partama sè aghâdhui jabatan jârèya.
Salèrana lahèr è Honolulu, Hawaii, Obama lulus dâri Univèrsitas Columbia bân Harvard Law School, è dissa' èpon dhâddhi prèsidèn Harvard Law Review. èpon panèka pangator komunitas è Chicago sabellunna ollè gelar hukum. salèrana èpon alako mènangka pangacara hak sipil è Chicago bân ngajhâri hukum konstitusional è Univèrsitas Chicago Law School dâri taon 1992 kantos 2004. èpon abâkkèlè Distrik ka-13 è Senat Illinois tello kalè, dâri taon 1997 kantos 2004, namong ta' sukses è taon 2000.
È taon 2004, Obama ollè perhatian nasional è bâkto akampanye kaangghuy abâkkèlè Illinois è Senat Amèrika Serikat, mennang è primary Demokrat bulân Maret, pidatona neng Konvensi Nasional Demokrat è bulân Juli, bân pemilihanna ka Senat è bulân Novèmber. èpon molaè kampanye prèsidènna è taon 2007, bân è taon 2008, saamponna pemilihan umum sè semma' è bâbâna Hillary Rodham Clinton, Obama mennang mayoritas dèlègasi è pemilihan umum Demokrat kaangghuy dhâddhi calon prèsidèn. Saellana jârèya, èpon makala John McCain dâri partai Rèpublik è pemilu prèsidèn 2008 bân èresmiaghi mènangka prèsidèn è tangghâl 20 Januari 2009. Sangang bulân saterrossa, Obama ènyata'aghi mennang Nobèl Perdamaian taon 2009. Salèrana èpèlè polè mènangka prèsidèn è bulân Novèmber 2012, makala Mitt Romney dâri Partai Rèpublik, bân èresmiaghi kaangghuy masa jabatan kaduwâ' è tangghâl 20 Januari 2013.[1]
È bâkto masa jabatan sè partama, Obama aghâbây undang-undang stimulus èkonomi mènangka rèspon dâ' rèsèsi 2007-2009 è Amèrika Serikat dâlem bâbAmerican Recovery and Reinvestment Act taon 2009 bânTax Relief,Unemployment Insurance Reauthorization, and Job Creation Act taon 2010. Inisiatif domèstik otama laènna è bâkto administrasiPatient Protection and Affordable Care Act; Dodd–Frank Wall Street Reform and Consumer Protection Act; Don't Ask, Don't Tell Repeal Act taon 2010;Budget Control Act taon 2011; bânAmerican Taxpayer Relief Act taon 2012. È dâlem kebijakan lowar naghârâ, Obama aghâli keterlibatan militèr AS è Perrang Irak, nambâi pasukan è Afghanistan, atandatanganè perjanjian kontrol senjata New START sareng Rusia, marènta'aghi intervènsi militèr AS è Libya, bân ngalakonè operasi militèr sè ngasèlaghi kapatèanna Osama bin Laden. È bulân Mèi 2012, èpon dhâddhi prèsidèn AS sè partama sè nolongè è adâ'na orèng bânnya' dâ' lègalisasi perkawinan paḍâ jennis kelamin.
