1960 ൽ മുംബൈയിലെ കല്യാണിൽ ഭാസ്കരൻ തമ്പിയുടെയും സരോജിനി അമ്മയുടെയും മകളായാണ് നിമ്മി മോഹൻ എന്ന് അറിയപ്പെടുന്ന ഭഗീരഥി അമ്മയുടെ ജനനം.
വെള്ളമാട് ഹൈ സ്കൂളിൽ ആയിരുന്നു പഠനം. സ്കൂൾ കാലഘട്ടത്തിൽ തന്നെ നാടകങ്ങളിൽ അഭിനയിച്ചു തുടങ്ങിയ നിമ്മി, അമച്വർ, പ്രൊഫഷണൽ നാടകങ്ങളിൽ തന്റെ കഴിവ് തെളിയിച്ചു. നാടകത്തില്‍ പരമേശ്വരന്‍ കുര്യാത്തി ആയിരുന്നു ഗുരു സ്ഥാനീയൻ. പിന്നീട് ആണ് സീരിയലുകളിലും സിനിമകളിലും നിമ്മി അഭിനയിക്കുന്നത്. ആദം അയൂബ് ആയിരുന്നു സീരിയലുകളിലെ വഴികാട്ടി.
    പി ജി വിശ്വംഭരൻ സംവിധാനം ചെയ്ത "ഇത് ഞങ്ങളുടെ കഥ" ആയിരുന്നു ആദ്യ സിനിമ. പ്രതീക്ഷിച്ചത് പോലെ ആ വേഷം ശ്രദ്ധിക്കപ്പെട്ടില്ല എങ്കിലും കിലുക്കം, ലാൽ സലാം, ജോണി, എഴുന്നള്ളത്ത് തുടങ്ങി ഒരു പിടി നല്ല സിനിമകളുടെ ഭാഗമാവാൻ നിമ്മിക്ക് കഴിഞ്ഞു.

   ഹൃദയ സ്തംഭനത്തെ തുടർന്ന് 2005 ഏപ്രിൽ 14ന് ആയിരുന്നു നിമ്മിയുടെ മരണം. പരേതനായ ശ്രീ മോഹൻകുമാർ ആണ് നിമ്മിയുടെ ഭർത്താവ്. അറിയപ്പെടുന്ന ഗായകനും നടനും ആയ ശ്യാം മോഹൻ മകനാണ്.