• കേരള കഫൈയിലെ "ബ്രിഡ്ജി"നു ശേഷം അൻവർ റഷീദ് അഞ്ജലി മേനോനുമായിച്ചേർന്ന് ഭക്ഷണവുമായി ബന്ധപ്പെട്ട ചിത്രം പ്ലാൻ ചെയ്തിരുന്നെങ്കിലും “സാൾട്ട്&പെപ്പർ” പുറത്ത് വന്നതോടെ അത് ഉപേക്ഷിക്കുകയായിരുന്നു.
• സിനിമയിലെ പ്രധാന കഥാപാത്രങ്ങളില്‍ ഒന്നായ മധുരയിലെ പാചകക്കാരനെ സൃഷ്ട്ടിച്ചത് താജ് ഹോട്ടലിലെ ഷെഫായി ജോലി നോക്കി പിന്നീട് സോഷ്യല്‍ വര്‍ക്കര്‍ ആയി മാറിയ നാരായണന്‍ കൃഷ്ണന്‍ എന്ന യഥാര്‍ത്ഥ ജീവിതത്തിലെ ക്യാരക്ടറില്‍ നിന്നുമാണു. 
• ഉസ്താദ്‌ ഹോട്ടലില്‍ ഒന്ന് രണ്ടു സീനുകളില്‍ ഒട്ടകം കടന്നു പോവുന്ന രംഗം വരുന്നുണ്ട്. പ്രതീക്ഷിച്ചതില്‍ നിന്നും ഒരാഴ്ച റിലീസ്‌ വൈകാന്‍ കാരണം ഒട്ടകങ്ങളെ സിനിമയില്‍ ഉപയോഗിക്കുന്നതിനുള്ള അനുമതി കിട്ടാത്തത് കൊണ്ടാണ്  എന്നൊരു അഭിപ്രായം പരന്നിരുന്നു. പിന്നീട് സംവിധായകന്‍ തന്നെ അത് നിഷേധിച്ചിരുന്നു. 

മലബാറിലെ ഒരു സാധാരണ മുസ്ലീം കുടുംബത്തിലെ ചെറുപ്പക്കാരനായ അബ്ദുൾ റസാഖ് (സിദ്ദിഖ്) തനിക്കൊരു ആൺകുഞ്ഞ് ജനിക്കണം എന്നു വളരെ ആശിച്ചിരുന്നു. ഭാര്യ (പ്രവീണ) ആദ്യം പ്രസവിച്ചത് നാലു പെൺകുട്ടികളെയായിരുന്നു. അഞ്ചാമനായി ഫൈസി(ദുൽഖർ സൽമാൻ) പിറന്നുവെങ്കിലും നിരന്തരമായ പ്രസവം ഫൈസിയുടേ ഉമ്മയെ രോഗിയാക്കുകയും മരണപ്പെടുത്തുകയും ചെയ്തു. അഞ്ച് മക്കളോടൊപ്പം ദുബായിലേക്ക് പോയ അബ്ദു റസാഖ് മകന്റെ കാര്യത്തിൽ കൂടുതൽ ശ്രദ്ധാലുവായിരുന്നു. സഹോദരിമാരെ വിവാഹം ചെയ്തയച്ചതോടെ ഫൈസിയും ഒറ്റക്കായി. ഫൈസിയുടേ ഇഷ്ടപ്രകാരം സ്വിറ്റ്സർലണ്ടിൽ ഉപരിപഠനത്തിനു പോയ ഫൈസിക്ക് അവിടെ ഒരു ഗേൾഫ്രണ്ട് ഉണ്ടെന്ന കാര്യം അറിഞ്ഞ സഹോദരിമാർ ഫൈസിയുടെ വിവാഹം നടത്താൻ പ്ലാൻ ചെയ്യുന്നു. നാട്ടിലെ അറിയപ്പെടുന്ന സമ്പന്നരായ മുസ്ലീം വീട്ടിലെ  പെൺകുട്ടി ഷാഹ്ന (നിത്യാമേനോൻ)യെ ഫൈസി പെണ്ണുകാണുന്നുണ്ടെങ്കിലും താൻ ഷെഫ് ആണെന്നറിഞ്ഞപ്പോൾ പെൺകുട്ടിയും വീട്ടൂകാരും അതിന് സമ്മതിക്കുന്നില്ല. ഫൈസി വിദേശപഠനത്തിനു പോയത് ഷെഫ് ആകാനാണ്‌ എന്നറിഞ്ഞ ഉപ്പയും അവനോട് ദ്വേഷ്യപ്പെടുന്നു. ഫൈസിയും പാസ് പോർട്ടും ക്രെഡിറ്റ് കാർഡും പിടിച്ചു വെക്കുന്നു. വീട്ടിൽ നിന്നും ആരുമറിയാതെ ഒളിച്ചു പോകുന്ന ഫൈസി തന്റെ ഉപ്പൂപ്പയായ കരീമിക്ക(തിലകൻ)യുടേ ഉസ്താദ് ഹോട്ടലിൽ തങ്ങുന്നു. പാചകത്തിന്റെ ബാലപാഠങ്ങൾ കരീമിക്ക പഠിപ്പിച്ചു കൊടുക്കുന്നു.അതിനുവേണ്ടി ചാക്ക് ചുമക്കാനും, മേശ വൃത്തിയാക്കാനും പാത്രം കഴുകാനും ഫൈസി നിർബന്ധിതനാകുന്നു. തത്വജ്ഞാനിയായ കരീമിക്കയുടെ ശുപാർശ കൊണ്ട് തൊട്ടടുത്ത ബീച്ച് വേ ഹോട്ടലിൽ ഒരു ഷെഫിന്റെ ജോലി ഫൈസിക്ക് ലഭിക്കുന്നു.  ക്രമേണ കരീമിക്കയും ഫൈസിയും ഗാഢമായി അടുപ്പത്തിലാകുന്നു. ഇതിനിടയിൽ ഫൈസി യാദൃശ്ചികമായി ഷാഹ്നയെ കണ്ടുമുട്ടുന്നു. കണ്ടു മുട്ടുന്നതിന്റെ പിറ്റേന്ന് ഷാഹനയുടേ വിവാഹ നിശ്ചയമായിരുന്നു.

റെസ്റ്റോറന്റിൽ കണ്ടുമുട്ടിയ ഇറ്റാലിയൻ ഷെഫിൽ നിന്ന് ലണ്ടനിലേക്ക് പോകാനുള്ള ഒരു അവസരം ഫൈസിക്ക് ലഭിക്കുന്നു. പക്ഷെ അപ്പോഴേക്കും കരീമിക്കയുടേ ആരോഗ്യവും ഉസ്താദ് ഹോട്ടലിന്റെ നിലനിൽ‌പ്പുമൊക്കെ തകരാറിലാകുന്നു. ഫൈസി ഒരു തീരുമാനമെടുക്കാനാവാതെ ആശയക്കുഴപ്പത്തിലാകുന്നു.