ລາວ ຫຼື ຊື່ທາງການແມ່ນສາທາລະນະລັດ ປະຊາທິປະໄຕ ປະຊາຊົນລາວ (ຕົວຫຍໍ້: ສປປ ລາວ) ເປັນປະເທດໃນອາຊີຕາເວັນອອກສຽງໃຕ້ ຢູ່ ໃຈກາງຂອງແຫຼມອິນດູຈີນ ມີເນື້ອທີ່ທັງໝົດ 236,800 ຕາລາງກິໂລແມັດ ເປັນປະເທດດຽວໃນອາຊີຕາເວັນອອກສຽງໃຕ້ທີ່ບໍ່ມີຊາຍແດນອອກສູ່ທະເລ ເຊິ່ງພາກເໜືອມີຊາຍແດນຕິດກັບປະເທດຈີນ ທິດໃຕ້ຕິດກັບປະເທດກຳປູເຈຍ ທິດຕາເວັນອອກຕິດກັບປະເທດຫວຽດນາມ ທິດຕາເວັນຕົກຕິດກັບປະເທດໄທ ແລະ ທິດຕາເວັນຕົກສຽງເໜືອຕິດກັບປະເທດມຽນມາ (ອ່ານ​ຕື່ມ...)

ສະບາຍດີຜູ້ໃຊ້ວິກິພີເດຍຊາວລາວ ແລະ ຕ່າງຊາດທັງຫຼາຍທີ່ໄດ້ຜ່ານທາງມາເບິ່ງວິກິພີເດຍພາສາລາວແຫ່ງນີ້ ຂໍຊີ້ແຈ້ງໃຫ້ທຸກທ່ານຊາບວ່າ ປັດຈຸບັນນີ້ວິກິພີເດຍພາສາລາວຍັງຄົງຢູ່ໃນສະພາບທີ່ດ້ອຍພັດທະນາ ຫຼື ກໍຄືຍັງບໍ່ມີຄຸນນະພາບດີຫຼາຍເທົ່າທີ່ຄວນ ອັນເປັນຈາກບັນຫາທີ່ກຳລັງປະສົບໃນຂະນະນີ້ເຊັ່ນ: ບົດຄວາມນ້ອຍ, ການມີສ່ວນຮ່ວມນ້ອຍ ແລະ ຄຸນນະພາບຂອງບົດຄວາມຕໍ່າຫຼາຍ.

ສະນັ້ນ ຫາກວ່າທ່ານສະດວກກໍສາມາດຊ່ວຍພັດທະນາວິກິພີເດຍແຫ່ງນີ້ໄດ້ເດີບໍ່ວ່າຈະຂຽນບົດຄວາມໃໝ່ ດັດແກ້ເສີມເຕີມແຕ່ງບົດຄວາມທີ່ມີເນື້ອຫານ້ອຍຢູ່ແລ້ວໃຫ້ຫຼາຍຂຶ້ນກວ່າເກົ່າ ພາກັນເຂົ້າຮ່ວມຊ່ວຍກັນສ້າງສາວິກິພີເດຍແຫ່ງນີ້ໃຫ້ມີຄຸນນະພາບສາມາດທັດທຽມກັບແຫຼ່ງອື່ນໆໄດ້!