Roma l'è la capitàl de la Repüblica Italiàna e 'l capolöc de la RegiùLàsio e de la pruvincia de Roma.Có i sò 2 863 322 abitàncc (dàto del Desember 2013[1]) distribüìcc sö'nden'àrea de 1.285 km², l'è apò 'l cümü piö pupulùs e piö grant de l'Italia. La densità de popolasiù l'è de 2 228 ab./km².
I sèt còi de Roma
Roma la se tróa 'ndèla zòna centro-ucidentàla de laPenìzola Itàlica, l'è postàda sö le culìne 'ntùren al fiömTévere che 'l la streèrsa 'na vintìna de chilòmetri prìma che chèsto 'l sbötes endèlMar Tiréno. Endèla pàrt ucidentàla de la cità gh'è laCitá del Vaticano, en stat indipendènt e sovrà 'ndóche g'ha rezidènsa la Santa Sede del Papa de laCéza Catòlica.
Segónt la tradisiù l'è stàda fondàda deRòmolo ai21 de bril de l'an753 prìma del Signùr, e l'è stàda la capitàl de la Repüblica prìma (del 509 prìma del Signùr enfìna 'ntùren al 30 prìma del Signùr) e de l'Impér Romàno dòpo. Endèl sècol III dòpo del Signùr, quan che 'l cristianèzimo 'l g'ha ambiàt a ciapà pè, el Vèscof de Roma (che piö tàrde el g'ha cuminciàt a éser ciamàt Papa) l'è deentàt l'autorità religiùza piö 'mportànta de töta l'Europa Ocidentàla, 'nfìna a la fondasiù delStat Pontifìcio (752 ÷1870) del quàl l'è stàda la capitàl per piö de 'n miér de agn quàze sènsa 'nterusiù. L'è deentàda la capitàl del Regn d'Itàlia 'ndèl1870 e l'è la capitàl de la Repüblica Italiana zamò de la sò fondasiù endèl més de zögn del1946.
La sò 'mportànsa stòrica l'è grànda fés. L'è cunsideràda giöna de le cüne de la civilizasiù ucidentàla e cèntro spiritüàl del Catolicézimo. El sò cèntro stòrich, endóche se tróa testemognànse de quàze tré miér de agn, l'è stat deciaràt de l'UNESCOPatremóne de l'Umanità. Per chèsta sò 'mportànsa stòrica e artìstica la cità de Roma l'è vizitàda ògna an de miliù de türìsti che rìa de töt el mónt.
.jpg)
_-_South_side%2c_from_Via_triumphalis.jpg)
_-_Right_side_and_front.jpg)
_-_Laghetto%2c_tempio_di_Asclepio.jpg)
