 | Quest articol chì l'è scrivud inlombard, con laNoeuva Ortografia Lombarda |
InChina unaRegion Ministrativa Special a l'è 'na division ministrativa de nivellprovincial che, in del vesser part integral del Pais, gh'hann el nivell pussee gross deautonomia del governo central, anca se 'lCongress Nazzional del Popol el guarna el dirit de meter su di lesg per lor.
La bas legala per fài su a l'è dada de l'articol 31 de laCostituzzion de la China del 1982, che la dis che "el Stat el po fà su, se 'l gh'è de besogn, di region ministrative speciai. El sistema che i organiza el sarà dad foeura de 'na lesg del Congress Nazzional del Popol in bas ai circostanze", menter per i alter entità a l'è dada de l'articol 30. L'articol 31 a l'è stad sgiontad in previdenza del dialegh cont elRegn Unid per l'unifegazzion deHong Kong e l'è insubid anca per 'na possibel unifegazzion cont elTaiwan.
Al dì d'incoeu a gh'è do de 'sti region:Hong Kong eMacao, fioeule de ladeciarazzion congionta sino-britannega del 1984 la prima e de ladeciarazzion congionta sino-portoghesa del 1987 la segonda, che inn di tratad vincolant registrad aiNazzion Unide che garantissen, in bas ai so lesg fondamentai, un gran nivell d'autonoma, tant che inn no considerad 'me part de laChina continental de la pupart di autorità.
In bas al principiUn Pais, du sistema, el governo dePechin el se ocupa di afar forester e de defesa per i do Region, menter el rest di competenze resten in man ai autorità locai, che mantegnen la soa legislatura pluripartitega, sistema legal, forza de polizzia, territori dovanal separad, politega migratoria, lesg del trafegh, lengov ofizziai e sistema educativ, oltra a la rapresentanza in d'una quaj istituzzion internazzional e sportiva.
A inn minga de sconfonder cont iZone Economeghe Speciai, che inn di bande indova che gh'è di lesg speciai per jutà el desvilup economegh e favorì i investiment, o con laRegion Ministrativa Special de Wolong, che l'è una reserva natural.
Altri progetti
Wikimedia Commons el gh'ha dent imagin o alter archivi suRegion Ministrativa Special (China) Partizzion de la China | |
|---|---|
| Province | Anhui ·Fujian ·Gansu ·Guangdong ·Guizhou ·Hainan ·Hebei ·Heilongjiang ·Henan ·Hubei ·Hunan ·Jiangsu ·Jiangxi ·Jilin ·Liaoning ·Qinghai ·Shaanxi ·Shandong ·Shanxi ·Sichuan ·Yunnan ·Zhejiang |
| Region autonome | Guangxi ·Mongolia Interna ·Ningxia ·Tibet ·Xinjiang |
| Municipalità | Chongqing ·Pechin ·Shanghai ·Tientsin |
| Region ministrative speciai | Hong Kong ·Macao |
| Province revendicade | Taiwan |
