 | Quell articol qì l'è scrivud inLombard, cond l'ortografiaScriver Lombard. |
Se ge dixpolifenoi a una class granda demetabolita segondare, caraterizads de la presenza de almanc unanell benzeneg, cond almanc un sostituentossidrileg (OH)fenoleg, qe i pœl vesser liber, metilads (metossil), ligads azuqer (glicosids) o a acids (ester). Qei qe ge n'è de plu ind el mond vejetal i è iflavonoids, ma g'è anca costituents de la class deitanin,antocianine,proantocianidine,acids fenoleg e tants olter composts. Intra i tants composts de orijen vejetala i è forsi qei qe i g'ha l'interess plu grand per la salud umana, perqè i è intra i plu ativ[1].
Intra le ativitaa principai dei polifenoi, le plu importante i è l'ativitaaantiossidanta e qellaantinfiamatoria: i composts de qella class qé i è bon de blocar cond tants mecanism diferents le prume fas de la infiamazion, e de protejer del stress ossidativ e deiradegai liber; pò, i polifenoi i pœl hvir-g ativitaa de prevenzion de vergœne tipolojie detumor, ativitaa antivirala, antiaterojenega e oltre anc'mò, segond la class qe se varda.
