ElMariner 10 l'è stàda l'öltema sónda spasiàla delprograma Mariner de laNASA. L'è partìt ai3 de novèmber del1973, du agn dòpo laMariner 9. La sò misiù l'ìa de pröà 'n trasmetidùr sperimentàl en bànda X, esplorà la atmosféra, la superfìcie e le caraterìstiche fìziche deVènere eMercurio e fà üzo de la asistènsa gravitasiunàla (ciamàda "efèt fiónda") de Vènere per acelerà endel tòch finàl del sò viàs envers Mercurio.
De Vènere l'è riàda a fotografà l'atomsféra del planeta endel spétro de l'ültraviolèt e la g'ha catàt sö e mandàt dati sö la cumpuzisiù de l'atmosféra venüziàna.
A Mercurio l'è riàda a pasàga derènt per trè ólte, ai29 de mas, ai21 de setèmber del1974 e ai16 de mars del1975. En töt el g'ha cartografàt 'ntra 'l 40 e 'l 45% del planeta, ma apéna de la fàcia ilüminàda.
