| Chest artícol a l'è scricc in Lumbàrt, ortograféaorientàl unificàda. |
| Lithops | ||||||||||||||||
|---|---|---|---|---|---|---|---|---|---|---|---|---|---|---|---|---|
 | ||||||||||||||||
| Classifigazion sientífiga | ||||||||||||||||
|
Lithops l'è 'n zèner de piànte suculènte che fà part de la famìa botànica de leAizoaceae uriginàre de l'Africa australa. I è cultiàde dei apasiunàcc de piànte gràse e i è cunusìcc col nòm popolàr de"balòcc vif".
En natüra de spès la piànta la rèsta quàze töta sóta la sàbia e ànsa sö apéna la fàcia orizontàl de le dò fòie carnùze opòste e tacàde ensèma che costetöés la part epìfita de la piànta. Le dò fòie i è dividìde de 'na sfrizidüra de 'ndóche se fùrma e se svelöpa el fiùr. Ògna còpia de fòie le fùrma el còrp de la piànta che endèl sò ensèma la g'ha fùrma cilìndrica o cònica condena süpefìce piàna. De la sfrizidüra 'ntra le dò fòie, endel perìot vegetatìf, nas apò e le dò fòie nöe e quan che le se derf del töt le dò ècie le se sèca. De spès sö la part piàna gh'è come dele "finèstre" cioè dele zòne trasparènte o traslücide sènsaclorofìla, de 'ndóche pàsa la lùce destinàda a le parcc piö intèrne e sotràde de la piànta.
La fiuridüra l'è 'n autùno. I fiùr i se derf el dopodisnàt o 'nvers séra e i g'ha fùrma che se 'nsomèa a lemargherìte, piö grancc del còrp de la piantìna, de culùr biànch o zalt e apéna apéna prufumàcc. ògna piàntìna la fà sö en fiùr sul.
Le spéci acetàde, segónt el sit del giardì botànich del Missouri, per el zèner Lithops i è 32[1]:
 | Wikispecies la g'ha dent de le informassiù sö l'argoment:Lithops |
