skeiv
Faktaboks
- Også kjend som
på engelskqueer, som opprinneleg tyder rar eller annleis
Skeiv er eit ord somme brukar for å skildre seg sjølv og identiteten sin. Ordet blir oftast brukt av folk som ikkje erheterofile, eller som ikkje synest at dei passar inn i rolla som mann eller kvinne. Ordet skeiv blir brukt motsett av ordastreit ellerrett. Ein del av dei som kallar seg skeive ynskjer å utfordre det som er vanleg i samfunnet.
Somme kallar seg skeive, fordi dei ikkje vil kalle seghomofile,lesbiske ellerbifile. Andre kallar seg skeive, fordi dei ikkje ønskjer å definere seg som anten homofil, lesbisk eller bifil. Somme kan omtale seg sjølv som både homofil og skeiv og bruke desse orda likt. Andre homofile eller lesbiske ønskjer ikkje å kalle seg skeive i det heile.
Bryt med norma
Felles for dei som kallar seg skeive, er at dei bryt mednormene i samfunnet. Ei norm seier kva som blir sett på som vanleg, naturleg eller normalt i samfunnet. Til dømes tenkjer mange at ein gut vil forelske seg i ei jente. Gutar som forelskar seg i gutar bryt med norma. Norma som seier at par skal bestå av mann og kvinne blir kallaheteronormativitet. Mykje av samfunnet, og mange lovar, er bygt på denne norma. Skeive har kjempa for å endre normene, slik at det har blitt greitt å leve på fleire måtar.
Også personar som er heterofile kan kalle seg skeive. Då kan grunnen vere at dei bryt med forventningar til korleis kvinner og menn bør sjå ut og oppføre seg. Nokre av desse er personar som ikkje ønskjer å kalle seg mann eller kvinne. Dei kan til dømes vereikkje-binære. Andre opplever at dei er eit anna kjønn enn det dei vart fødde med. Desse blir ofte kallatranspersonar.
Ei anna gruppe som brukar ordet skeiv om seg sjølv, er dei som ikkje ynskjer å leve i vanlege parforhold. Somme vil til dømes ha fleire kjærastar samtidig.
Pride
Skeive har laga organisasjonar for å kjempe for like rettar. Den største i Noreg er Foreningen FRI. Foreininga arrangerer pride-paradar, for å feire skeiv kjærleik og mangfald. I Noreg vart pride arrangert for første gong i Oslo i 1974. No blir det arrangert pride mange stader i landet kvart år.
