Nasciûo da famiggia borgheize, o riçevette un'eccellente educaçion umanistega a-o collegio Louis-le-Grand tegnúo da-iGexoiti. Precoxiscimo aotô de versci leggi e argui, acugeito fito pe-e so dœutte de spiito inti circoli eleganti e libertin, o sucesso (1718) da trageddiaŒdipe o gh'arvì l'acesso a l'âta societæ. Attiviscimo (into 1723 sciortì, semiclandestiña,La ligue, ou Henry le Grand, che inte l'ediçion deLondra do 1728 a l'assonse o tittolo deHenriade), co-o senso seguo do proppio utile particolâ, o Voltaire o s'inserì inte 'na forma de vitta brillante e insemme favoeive a-a so attivitæ lettiaia. Ma a-o prinçippio do 1727, pe 'n contrasto co-o cavagêo de Rohan, o Voltaire o vègne serao a-aBastiggia ingiustamente.
L'amaa deluxon procuâghe da-i amixi aristocrateghi a spronò o so orgœuggio de borgheize. Misso in libertæ doppo dotræ settemañe, ma constreito a lasciâ a França, o se recò in Inghiltæra, dove o l'arestò circa trei anni ótegnindo larghi riconoscimenti. Ma, sorvettutto, o sogiorno ingleize o determinò a so carea de filozofo e de polemista. In Inghiltæra, de fæto, o Voltaire o conobbe una societæ assæ meno rafinâ de quella françeize, ma ciu moderna, ciu progredia e libera; o vègne a contatto co-ina realtæ politica, sociâ, civî e corturâ ch'a contrastava totalmente con quella françeize. ELettres sur les Anglais (òLettres philosophiques), intræ in circolaçion in França into 1734, son l'esprescion ciu matua do primmo periodo da so attivitæ de scritô. Derê o scimulao scopo de 'n'informaçion in sce-e cose d'Inghiltæra, eLettres - a primma bomba, fu dito, lanciâ contra l'ancien régime - ean un violento attacco a-i instituçioin politiche, sociæ e religioze da França assolutista e fœüdâ. O successo o fu enorme: mai un libbro o l'alargò comme eLettres l'orizzonte intellettuâ de 'na naçion. Atrettanto grande, naturalmente, o scandalo: l'œuvia a vègne condannâ da-o Parlamento de Pariggi; o Voltaire o fuzzì intaLoræna e, quande un meize doppo ghe fu permisso de tornâ in França, ghe fu vietao a rescidença a Pariggi. O se stabilì aloa a-o castello de Cirey (Champagne) presso M.me du Châtelet.
Elémens de la philosophie de Neuton, 1738
Da questa donna, apascionâ de problemi scientifichi, o Voltaire o riçevette stimmolo a l'aprofondimento de matematiche e da fixica (into 1738 comparse iÉléments de la philosophie de Newton, violento attacco a l'aloa dominante fixica cartexiaña). O Voltaire o proseguì a so attivitæ de poeta e drammaturgo afascinao da-o miraggio de emançipâ a scena françeize da l'inmitaçion spagnolla e ingreize pe ricondúla a-a sevea nobiltæ di Greghi e doRacine. Son de fæto de sti anni de retio e tragedieAlzire,Mahomet,Mérope. Into 1738 l'ea d'atro canto za in avançao stæto de compoxiçion o so cappolavô,Le siècle de Louis XIV. Into 1744, co-a nommina a ministro di esteri do marcheize d'Argenson, so vegio compagno de collegio, amegioò a poxiçion do Voltaire inte l'ambiente da corte françeize, scin aloa a lê ciutosto ostî: into 1745 M.me dePompadour a gh'ótegne un diploma de storiografo de França co-a càrrega de gentilommo de cammia do re; into 1746 o fu riçevúo a l'Accademia; into 1747 o se transfei con M.me du Châtelet aLunéville. Doppo a morte de quella, teniamente recenta, into 1749, o Voltaire o se transferì aBerlin presso oFederigo II ch'o professava pe lê incondiçionâ amiraçion. A Berlin, into 1751, sciortìLe siècle de Louis XIV. Verso a fin do 1752 pe de gióxíe e di ciæti ghe fu a rottua tra o re e o filozzofo. O Voltaire o tornò in França, ma no ghe fu permisso de stabilise a Pariggi.
L'è questo o periodo into quæ o Voltaire, doppo i invii doD'Alembert e oDiderot, o conlaborò coEncyclopédie, con circa 40 voxe lettiaie e filozoffiche, arcuñe de quæ de 'n çerto interesse pe l'estetica e a stoia do gusto. A so conlaboaçion a fu de breve diata. Començâ into 1754, a terminò quattr'anni doppo, a prœuvo a-o scandalo sciuscitao da-a pubbricaçion, into vol. VII doDictionnaire raisonné, da voxeGenève de D'Alembert, inspiâ da-o mæximo Voltaire: co-a so sottî crittica de l'intollerança, a voxe a l'acentoava e polemiche, sorvettutto co-i calvinisti, scin a constituî uña de maggioî caoze da crixi de l'Encyclopédie. De questi anni a l'è a stezua deHistoire universelle, ch'a l'ebbe da pœu o titolo deEssai sur les moeurs et l'esprit des nations (1756). Into 1755 o se stabilì inSviççia, inte 'na villa peifeica deZenevia, da lê acatâ e ciammâdes Délices, dov'o visse dex'anni (ascì doppo avei acatao i castelli deTornay e deFerney, contigoi a-a çittæ de Zenevia ma in teritoio françeize), constituindoghe un centro intellettoâ, donde convegnivan scritoî, artisti, damme d'ogni parte d'Œüropa. O l'ea ormai ricco assæ da poei vive da gran scignoro, famozo inte tutta Œüropa, cortezao da-i sovren e da l'âta nobiltæ.
A so paola a l'aveiva un effetto inrescistibile: o so intervento inti procesci Calas, a Barre, Sirven, Lally o ne feççe di caxi sciaatoxi e o portò scin a-a revixon d'ingiuste sentençe. Inte questi anni inti quæ o moto filozofico rivoluçionaio o se fava ciu impetozo, o Voltaire, impaigiabile e inezaoribile pubbrichista, o l'instaorò in Œüropa a sovranitæ tutta nœuva de l'opignon pubbrica. Portentoza a l'è a feconditæ do Voltaire inte questi urtimi vintitrei anni da so existença. Con un nummero squæxi incredibile de scriti de ogni genere (e con de inalumieive lettie) o l'ariescì a tegnî descia in sce lê l'atençion de tutta l'Œüropa colta, impegnandose inte 'na polemica contra a superstiçion, o fanatismo, o privilegio, o passao sempre ciu violenta e espliçita, ricca de brio, d'invençion, de eloquença seria e de graçia leggia. De questo periodo o l'è oDictionnaire philosophique (1764), o so testamento filozofico, dove in sentençe lapidaie piggia forma definitiva a so battaggia de mezo secolo contra l'intollerança, o miaco, l'aotoritæ, a fáscificaçion de lezendie e de tradiçioin. Into março 1778 Pariggi a l'acugette trionfalmente o filozofo vegnuo a asciste a-a raprezentaçion de l'urtima sò tragedia,Irène; afadigao da queste emoçioin o Voltaire o moì poco doppo, a Pariggi, o 30 de mazzo. Into 1791, con solenne çeimonia, e sò çennie fun deposte intoPantheon.
O Voltaire o vosse êse sorvettutto poeta e o se çimentò con tutti i generi lettiai aloa in vœuga trattando con versatilitæ impaigiabile a tragedia, o poema eppico, o poema scherçozo e burlesco, a satira, l'epistola didascalica, l'epigramma, a lirica leggia. Co l'Henriade (1722), o poema zoenî in sce l'Enrico IV, o se propoze, sença ariescighe, de dotâ a França de 'n grande poema naçionâ: troppo alieña da-o meaaveggiozo e da-o sorvenaturâ a l'ea l'inmaginaçion do Voltaire. Ciu conforme a-o so spiito polemico a l'ea invece l'epistola moralezante, dove-o scritô o dette forma a-e so idee e a-a so predicaçion deistega e filantropica. Poemi commeLe temple du goût, oPoème sur a loi naturelle, oPoème sur e désastre de Lisbonne reboccan de quella graçia inimitabile ch'a l'unisce a profonditæ speculativa a-a dexinvotua brioza.
Tuttavia in sce-a scena tragica o Voltaire o l'arecugette i maggioî ófœuggi e o sciuscitò e ciu fee battagge:Œdipe (1718),Brutus (1730),Zaïre (1732),La mort de César (1735),Alzire (1736),Mahomet (1742),La Mérope française (1744), da pœuSémiramis (1749),L'orphelin de la Chine (1755),Tancrède (1760),Olympie (1762) asseguon a-o Voltaire una larga popolaritæ e o gusto françeize, primma de l'avento doromantiçismo, o-e scitoò da-a rente a-i ciu celebræ modelli do gran seccolo. Ancœu queste pan de vee e proppie dissertaçioin in favô da tollerança, da libertæ, de l'aboliçion di oddi de razza e de religion. A mæximavis polemica, che inte tragedie a sorvefà a força rapresentativa e artistega, a l'añima i romanzi:Zadig (1747),Candide (1759),L'ingénu (1767),L'homme aux quarante écus (1768),La princesse de Babylon (1768) no son di conti ma de rassegne satiriche de stravagançe, de matteie e di abuxi ingeneræ da-a superstiçion e da-o fanatismo. Ciu popolâ e famozo tra tutti l'è arestao meitaamenteCandide, dond'è scóxío scistematicamente l'ottimismo leibnizian. De longo spregiudicao e innovatô, o Voltaire o sacrificò invece a-a tradiçion e a-o gusto dominante quande o giudicò de poexia, professando sempre reverença incondiçionâ a-i gren modelli do seccolo doLoigi XIV.
Sotta o resguardo streitamente scientifico l'ambito into quæ o Voltaire o lasciò l'œuvia de valô ciu diatuo o fu quello storiografico coLe siècle de Louis XIV comparso into 1751. Composto con amô de compieça d'informaçion esemplâ, questo o l'inaogurava un nœuvo gennere de storiografia: a l'è a primma œuvia storica moderna ch'a rompe a tradiçion annalistega, ordinando i eventi segondo a so interna connescion e illustrando a vitta complesciva de 'n stato inte tutti i so aspetti.
O Voltaire o l'introduiva inta storiografia un concetto nœuvo, quello de çiviltæ, ch'o ghe consentiva de discerne, ordinâ e interpretâ quello che inti so predecessoî e emmuli contemporanei l'ea arestao materiâ desparao. L'atra grande œuvia storiografica do Voltaire, l'Essai sur les moeurs et l'esprit des nations (1756), concepia in opoxiçion a-oDiscours do Bossuet, a l'è o primmo tentativo in senso laico e critico de 'na "stoia do spiito uman" ch'a l'ordine segondo poche gren linnie a stoia universâ. Co l'Essai tramontava a stattica vixon da stoia universâ incentrâ in sce-e vexende primma do poppolo ebraico, da pœu do mondo crestian, a-a quæ reçente formaçion o Voltaire o contrapponeiva a veneranda antighitæ daCiña, de l'Egitto, de l'India. Ormai l'orizzonte de l'interesse storico o vegniva esteizo a ogni manifestaçion umaña. Di atre œuvie storiche do Voltaire son:Histoire de Charles XII (1731),Les Annales de l'Empire (1753),Histoire de l'Empire de Russie sous Pierre-le-Grand (1759-63),Précis du siècle de Louis XV (1769).
In sce-o cian filozofico, in polemica co-e varie forme de metafixica contemporannia, e in sce-a scorta da cortua empiristega ingreize, o s'impegnò a combatte a fixica cartexaña, dominante in França, in nomme da fixica newtoniaña destinâ a suciantâla; ma ancon ciu o scombatté tuttoCartexo e i scistemi metafixichi do XVII secolo, contraponendo a l'esprit de système, ch'o tendeiva a dâ una soluçion integrâ do problema de l'universo, a sciença sperimentâ co-o so orizzonte ch'o s'alarga progrescivamente. A so metafixica a l'ametteiva Dio, ma a se diciarava incapaxe de determinâne l'êsença e i atributi; a so psicologia, misse da-a parte i infinie discuscioin in sce l'añima, a se tegniva ferma a l'inmediâ evidença: "mi son corpo e penso".
In sce-o cian religiozo, coerentemente co-e so poxiçioin gnoseologiche, vexiñe a quelle doLocke, o fu faotô de 'na forma de deismo bazao in sce l'amiscion de 'n Dio "primmo motô intelligente", eterno aotô de un mondo âtretànto eterno; e de 'na religion naturâ riconduxibile a 'na serie de "prinçipi moræ comun a-o genere uman". Son queste e idee che, lettiaiamente variæ a l'infinio, tornan inti so scriti filozoffichi: oTraité de méthaphysique (1734),Le philosophe ignorant (1766), eQuestions sur l'Encyclopédie (1770-72), oDictionnaire philosophique (uña de so grende œuvie), e inte di nomioxi agili opuscoli. Infin, quæ ch'o ne foise o valô scientifico, van aregordæ i scriti de critica a-o Vegio e a-o Nœuvo Testamento. O Voltaire o ghe repigiava e texi e i argomenti ch'ean za stæti proposti da-oSpinoza, da-oRichard Simon, da-oBayle, ma prezentandoli con quello brio polemico ch'o ne favoì a difuxon inte tutti i sœu de l'opinion pubbrica e o feççe sci che foisan universalmente lezui di libbri commeLa Bible enfin expliquée,le tombeau du fanatisme,L'établissement du christianisme. Inte questi scriti, e sorvetutto intoDictionnaire philozophique ch'o ne repiggia tutti i temi, l'è consegnao ço che e generaçioin sucescive (limitando o ciu vasto scignificao da complesciva œuvia do Voltaire) averson ò exarton comme voltærianeximo, inteizo comme spiito de radicâ incredulitæ e de perentoio refuo do sorvenaturâ.
