Anna Yuryevna Netrebko (Krasnodar,18 de Settembre do1971) a l'é 'na cantante d'òpera rùscio-oustriaca co-ina vôxe da soprano. Do 2006 a l'à reçevûo a çitadinansa oustriaca; a l'à mantegnûo a seu çitadinansa rùscia.
A-i 30 de marso do 2022 a Netrebko a l'à pubricòu 'na deciaraçion donde a l'à anonçiòu di progetti pe comensâ torna e seu exibiçioin pùbriche da-o mazzo do 2022, e a l'à repetio a seu condanna da goæra in Ucrainn-a, pigiândo e distanse da Putin:"Mi condanno espressamente a goæra contra l'Ucrainn-a e i mæ penscëi son co-e vittime de sta goæra e e seu famigge. A mæ poxiçion a l'é ciæa. Mi no son in membro de nisciùn partio politico e no son alleâ con nisciùn cappo da Rùscia. Reconoscio e me despiaxe che e mæ açioin ò affermaçioin passæ seggian stæte interpretæ pe erô. De fæto, ò conosciûo o Prescidente Putin sôlo che dötræ vòtte inta mæ vitta intrega, sorviatùtto inte l'ocaxon de reçeive di premmi comme reconoscimento da mæ arte ò a-a çeimònia d'avertûa di zeughi òlimpichi. Pe contra no ò mai reçevûo nisciùn sostégno finançiâio da-o Governo rùscio, e vivo e son 'na rescidente fiscale inAustria. Amo a mæ patria rùscia e çerco solo paxe e unitæ pe mezo da mæ arte. Dòppo avei piggiou a mæ pausa annonçiâ, comenso torna à reçitâ a-a fin de mazzo, a-o prinçipio in Euröpa"[1][2]
A Netrebko a l'à guâgno o premio Bambi do 2006 inta categoria da mùxica clascica. A l'é stæta premiâ co-a «World Star» di premi internaçionali de mùxica profescionale BraVo do 2018.
A l'à guâgno "Singer of the Year" "cantante de l'anno" do 2007 e "Female Artist of Year" (artista dònna de l'anno) do 2008 inti Classical Brit Awards. A l'é stæta identificâ da-a revista Musical America comme «'na vea e pròpia superstella do secolo XXI» e a l'é stæta nominâ muxicista de l'anno pe-o 2008. A Netrebko a l'é stæta unn-a di reçeventi do premio pe-e dònne ciù importanti do 2012 assegnòu da-a revista Madonna. A l'à reçevûo 'n atro premio pe-e dònne ciù importanti inta categoria da coltûa do 2016. A l'à reçevûo l'Opera News Award inte l'arvî do 2016.
A Netrebko a l'à guâgno a «Female Singe of the Year» (cantante feminile de l'anno) inti premi Echo Klassik do 2014 e do 2016. A l'é stæta premiâ comme «megio cantante inta mùxica clascica» a-i Premi da mùxica naçionâ rùscia do 2016, do 2017 e do 2018. A l'à guâgno comme a megio cantante inti Premi Internaçionæ de l'Opera do 2017. A-i 26 d'òtobre do 2018, a Corpoaçion de l'Opera Metropolitann-a a l'à onorâ a-o seu pranso annuâ. Do 2020 a l'é stæta premiâ co-o premio svedeize pe-a mùxica popolâre e a vitöia d'önô inte vitöie da mùxica clascica.
Into setembre do 2022 a l'à reçevûo l'Österreichischer Musiktheaterpreis comme megio parte de protagonista feminile pe-a seu parte de Lady Macbeth inte «Macbeth» a-a Wiener Staatsoper.
